Matayo 22:4 - Baibuli Ekibono kya Katonda 2014

⁴ Kabiri yaatuma abagheereza abandi yaabakoba ati, ‘Mukobe abaayetebwa muti, embaga etuuse, mmaze okwita ente endaagho n'ente entototo empiite, era mmaze okutegeka buli kintu baidhe ku mbaga.’

Matayo 22:4 ပူးပေါင်းရင်းမြစ်များ

Nehemia 9:17

Baaloba kuwulira na kwidhukira ebyewuninkiriza bye wabakolamu. Baakalangusa bwa myoyo gyaibwe, baataagho omuntu abakulembere abaizeeyo mu bwiru e Misiri. Aye iwe oli Katonda asonigha, ekiseera kyonakyona. Oli wa kivunika, osaasira, era olwagho okusungughala. Era olw'okuba iwe obagonza inho obutalekera, tiwabalekulira agho.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Ensambo 15:17

Abantu bamala galiira katunkuma nga bagonzania, bataliiriire mmamba nsavu nga baakyaghagana.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Matayo 21:36

Kabiri yaatuma abagheereza abandi abasingaku abaasooka aye era baabakola n'ekirala.

Matayo 22:5

Aye era tibaafaayo beetambulira ku dhaibwe, omulala yaaja ku bya kibandha kye, owundi yaaja mu bya kutunda.

Matayo 22:8

Agho yaakoba abagheereza be ati, ‘Kituufu embaga ewoire okutegeka, aye ababaire beeteibwa ti n'abaali bagwaine.

Luka 14:17

Ekiseera eky'embaga bwe kyatuuka, yaatuma omugheereza we aje akobe abo abeete baidhe, kuba okutegeka kwali kuwoire.

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

Ebikolwa by'Abatume 13:46

Aye Paulo ni Barunaba, baayogera nga bagumu, baakoba bati: “Kibaire kigwaine okusooka okukobera imwe ekibono kya Katonda. Aye nga bwe mukirobye era ni mwesaliragho beene nga bwe mutagwaine kufuna bulamu obutawaagho, kale twidha kubaleka tuje y'abamaghanga agandi

Ab'e Roma 8:32

Oyo ataasaasira na mwana we mwene, aye n'amughaayo ku lwaife twenatwena, aliroba atya okutugheera aghalala n'Omwana we oyo ebintu byonabyona?