Matayo 22:15 - Baibuli Ekibono kya Katonda 2014

¹⁵ Agho Abafarisaayo baaja beekobaana engeri ye baghanga okumuleba mu by'ayogera.

Matayo 22:15 ပူးပေါင်းရင်းမြစ်များ

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 41:6

Abaidha okumbona, mu kifo ky'okunsaasira boogera biziramu, baidha kubona bwendaaga olwo bafune eky'okughayaku buli ghe baja.

Zabbuli 57:6

Abazigu bange bantega olutuula, naazirika mu mwoyo gwange. Baasima ebiina mu ngira ye mbitamu, aye baabigwamu beene!

Zabbuli 59:3

Bona ere, baneeteeze benda kundhita; abantu abakambwe beesoloiza baanumbe. Ti lwa kuba nti ndaaliimye oba nti nkoze ekibi kyonakyona.

Isaia 29:21

Katonda alizikiriza abo abaghaayiriza banaibwe emisango gye batakoze, n'abo abayamba abaizi ab'emisango ni batabonerezebwa, era n'abo abaguya ni balemesa omutuufu okusalirwa omusango mu mazima.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Matayo 12:14

Aye Abafarisaayo olwafuluma nga beekobaana kubona ngeri ya kumuzikirizaamu.

1 Ab'e Korintho 7:35

Kino ndi kukikoba olw'obulungi bwaimwe. Tirikugezaaku kubakaluubiriza, aye nhenda mukole ekintu ekituufu era ekikalamu, era mwegheereyo irala okukola omulimo gwa Musengwa n'omwoyo omulala.

Abaheburayi 12:3

Mwidhukire bwe yagumira okutakana n'obukyayi obw'aboonooni, olwo mulobenga kuwaamu maani;