Matayo 22:13 - Baibuli Ekibono kya Katonda 2014

¹³ Agho kyabazinga yaakoba abagheereza ati, ‘Mumusibe amakono n'amagulu mumusuule ku luya mu kizikiiza eri okugegenga n'okuluma emba olw'obulumi obubitirivu.’

Matayo 22:13 ပူးပေါင်းရင်းမြစ်များ

Zabbuli 112:10

Omubi bw'abona ekyo asungughala, yeeguguna era yaaseenena, aye bye yeegomba okukola tabifuna.

Zabbuli 37:12

Omubi yeesoomera okukola omuntu omutuufu obubi era amweguguna.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Danieli 3:20

Era yaalagira abasaadha ab'amaani mu igye lye, basibe Shaduraka, ni Meshaki, ni Abedinego, babasuule mu kikoomi ekiri kugeigera omuliro.

Matayo 12:29

“Ole aghanga atya okungira mu ndhu y'omuntu ow'amaani n'anhaga ebibye okutoolaku ng'asoose kusiba muntu oyo ow'amaani? Memale olwo ni yaanhaga eby'omu ndhu ye!

Matayo 13:30

Muleke byombi bikulire ghalala okutuuka mu kukesa, era mu kukesa ndikoba abakesi baasooka okwighamu eisubi eibi, baalisiba ghalala mu binhwa baalyokya, ate engaano baagisololeza mu kyagi kyange.’ ”

Matayo 13:42

baabasuula mu nkoomi ey'omuliro, omuliba okugegenga n'okuluma emba olw'obulumi obubitirivu.

Matayo 13:50

baabasuula mu nkoomi ey'omuliro omuliba okugegenga n'okuluma emba olw'obulumi obubitirivu.

Matayo 24:51

Musengwa we alimubonereza inho, yaamuta mu bakuusa omuli okugegenga n'okuluma emba olw'obulumi obubitirivu.

Matayo 25:30

Era n'oyo omugheereza azira mugaso mumusuule ku luya mu kizikiiza. Eyo eriba okugegenga n'okuluma emba olw'obulumi obubitirivu.’

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

Luka 13:28

Ghalibaagho okulira n'okuluma emba, bwe mulibona Aburahamu ni Isaaka, ni Yakobo n'abalanzi boonaboona nga bali mu Bwakyabazinga bwa Katonda, ate nga imwe bababingira ku luya!

Yoanne 21:18

Bwenebwene ka nkukobere: bwe wali omwisuka, weesibanga waaja ye wayendanga aye bw'olikairigha olighanika amakono go, owundi yaakusiba yaakutwala y'otayenda.”

Ebikolwa by'Abatume 21:11

Yaidha ye tuli, yaatoola olukoba lwa Paulo yaalwesiba amagulu n'amakono yaakoba ati: “Mwoyo Mutukuvu akoba ati, batyo Abayudaaya abali mu Yerusalemu bwe balisiba mwene lukoba luno ni bamughaayo y'abamaghanga agandi.”

Ebikolwa by'Abatume 7:54

Bwe baawulira ebyo, baidhula obusungu, baaluma emba.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

2 Petero 2:17

Abantu abo bali ng'oti n'ensulo edhaakala eira, era ng'oti n'ebire ebitwalibwa kiwunga. Katonda abategekeire enzikiiza eri bedimudimu.

2 Petero 2:4

Katonda tiyasaasira bamalaika abaayona, aye yaabasuula mu geyeena, yaabasibira mu nzikiiza okutuusa ku lunaku olw'okusalirwaku omusango.

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.

Yuda 1:6

Era ni bamalaika abo abaaleka ebifo byaibwe eby'obukumu ni babivaamu, yabasiba ku ndhegere yaabakuumira mu nzikiiza okutuusa ku lunaku olw'okusaliraku omusango.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.