Matayo 22:11 - Baibuli Ekibono kya Katonda 2014

¹¹ “Agho kyabazinga bwe yangira okulamusa ku bageni yaayagaanamu omuntu atavaire kivaalo kya ku mbaga.

Matayo 22:11 ပူးပေါင်းရင်းမြစ်များ

2 Bakyabazinga 10:22

Yehu yaakoba oyo akulira eiterekero ery'ebivaalo, ati: “Toolerayo abasinza Baali boonaboona ebivaalo, obibaghe.” Yaabibatoolerayo, yaabibagha.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Okulira 5:22

Obwo bwenebwene watusuulira irala ere nga toliirayo kutwiza y'oli? Okusungughala kwo tikuja kukoma?

Zefania 1:12

“Mu kiseera ekyo nja kutoola entaala nje nga ndhagaaza mu Yerusalemu mwonamwona. Nja kubonereza abantu boonaboona abali obulungi abazira kibeeraliikiriza, abakoba mule bati, ‘Musengwa Katonda ghazira ky'aidha kukola, ka kibe ekirungi oba ekibi.’

Matayo 13:30

Muleke byombi bikulire ghalala okutuuka mu kukesa, era mu kukesa ndikoba abakesi baasooka okwighamu eisubi eibi, baalisiba ghalala mu binhwa baalyokya, ate engaano baagisololeza mu kyagi kyange.’ ”

Matayo 22:10

Agho abagheereza baaja eyo mu maagaanana baasoloza buli ye baayagaana, abalungi n'ababi, era ekisenge eky'embaga kyaidhula abageni.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Ab'e Roma 13:14

Aye tugeme eby'okulwanisa bya Musengwa waife Yesu Kurisito. Mutaganhanga mubiri kukola kye gwenda.

Ab'e Roma 3:22

buno n'obutuukirivu Katonda bw'agha abantu boonaboona olw'okwikiriza Yesu Kurisito. Kuba mu boonaboona ghazira ndhawulo

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

2 Ab'e Korintho 5:3

Bwe tuligivaala tulobe kwagaanibwa nga tuli kidu.

Ab'e Galatia 3:27

Kuba mwenamwena abaabatizibwa mu Kurisito, Kurisito oyo mwamuvaala oti kivaalo.

Ab'Efeso 4:24

Mufuuke bantu bayaaka, abaatondebwa mu kifaananie kya Katonda mu bwesimbu ni mu butukuvu obw'amazima.

Okwolekebwa 16:15

“Bona, ndidha kwidha ng'omwibi! Wa nkabi oyo asigala ng'ali kumoga, n'akuuma ebivaalo bye, alobe kutambula madu, na kuswala mu bantu.”

Okwolekebwa 19:8

Omugole oyo aikiriziibwa okuvaala ebivaalo ebighegheevu, ebyamule era ebimirimiinha.” Ebivaalo ebighegheevu n'ebikolwa ebirungi eby'abatuukirivu.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.