Matayo 21:46 - Baibuli Ekibono kya Katonda 2014

⁴⁶ Baagezaaku okumugema, aye baatya olukunkumuli olw'abantu abaali bamwidhi nga mulanzi.

Matayo 21:46 ပူးပေါင်းရင်းမြစ်များ

Ensambo 15:12

Omuntu omunhoomi tayenda kunenezebwa, era taghanga kuja kwebuuzaaku ku bamusinga magezi.

Isaia 29:1

Arieli, Arieli, okagwireku! Okagwireku iwe Yerusalemu ekibuga Daudi mwe yasimba weema dhe! Omwaka leka gwire ku gwinaagwo, era n'ogundi gutyo; era leka mukuze ebibinuko nga bwe biiraganwaku,

Matayo 21:11

Eikuukuubira lyakoba liti: “Ono ni Yesu omulanzi ow'e Nazarethi mu Galilaaya.”

Matayo 21:26

Ate bwe tukoba tuti, ‘Kwava mu bantu,’ tuba twereeteire omutawaana ogw'abantu, kuba boonaboona bakiidhi nga Yoanne yali mulanzi mwene.”

Matayo 21:45

Bakabona Abakulu n'Abafarisaayo bwe bawulira enfumo dhe, baakimanha nga beene be yali ayogeraku.

Matayo 22:1

Agho kabiri Yesu yaayongera okubeegeresa mu nfumo, yaakoba ati:

Mariko 11:18

Bakabona Abakulu n'Abanamateeka olwawulira ebyo, baanoonia engeri ey'okumuzikiriza. Baali bamutya kuba abantu boonaboona baali nga basamaaliriire olw'endhegeresa ye.

Luka 7:16

Boonaboona ensisi yaabagema era baagha Katonda ekitiisa nga bakoba bati: “Mu ife mulimu omulanzi ow'amaani, era ni Katonda akyaliire abantu be!”

Luka 7:39

Aye Omufarisaayo ole eyayeta Yesu bwe yabona, yaakoba mule ati: “Nguli ono abaire mulanzi yaalibaire ng'aidhi omukazi amugemaku ki ky'ali, kuba mwonooni!”

Yoanne 7:30

Agho baasala amagezi bamugeme aye ghaabula amugemaku kuba ekiseera kye kyali kikaali kutuuka.

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.