Matayo 21:35 - Baibuli Ekibono kya Katonda 2014

³⁵ Aye abakozi baagema abagheereza be abo, omulala baamukuba, owundi baamwita, ate owundi baamukanhuugirira amabaale.

Matayo 21:35 ပူးပေါင်းရင်းမြစ်များ

1 Bakyabazinga 18:13

Musengwa Katonda wange, tibaakukobera kye nakola, Yezebeli bweyali ng'ali kwita abalanzi ba Musengwa Katonda? Natwala abantu kikumi ku balanzi ba Musengwa Katonda abo, naabagisa mu mpuku mu bikunsu bya bantu makumi ataanu ataanu, era naabafuniranga emere n'amaadhi.

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:2

Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

1 Bakyabazinga 22:24

Agho omulanzi Zedekia mutabane wa Kenaana, yaaseeta ye Mikaia, yaamukuba oluyi ku itama era yaamubuuza ati: “Omwoyo gwa Musengwa Katonda gwanviireku gutya, memale gwogere n'iwe?”

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 26:8

Era olwamala nti okubyogera, bangwaku bangema nga bwe baasiikana bati: “Ogwaine kwitibwa olw'ebyo by'okobye.

Yeremia 37:15

Abakungu bankambughalira, baalagira bankube, era bansibira mu ndhu ya Yonathani omughandiisi, kuba endhu eyo baali bagifiiremu ikomera.

Matayo 21:34

Ebiseera eby'okukungula bwe byatuuka yaatuma abagheereza be eri abakozi afune ebiva mu isamba lye.

Matayo 21:36

Kabiri yaatuma abagheereza abandi abasingaku abaasooka aye era baabakola n'ekirala.

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

Okwolekebwa 6:9

Entaama Ento bwe yakakampula akamanhiso akokutaanu, naabona ghansi gh'alutaari emyoyo gy'abo abaitibwa olw'okwikiriza ekibono kya Katonda n'olw'okukidhulira.