Matayo 21:33 - Baibuli Ekibono kya Katonda 2014

³³ “Muwulire olufumo olundi. Ghaaligho omuntu mulala eyali n'eisamba lye ery'emizabbibu, yaalisitaku olukomera, yaasimamu ekikunhiro eky'omwenge gw'emizabbibu, yaazimbamu ekituuti ekireeyi, yaataamu abakozi, yaaja mu nsi eyindi.

Matayo 21:33 ပူးပေါင်းရင်းမြစ်များ

1 Bakyabazinga 22:19

Mikaia yeeyongera okukoba ati: “Kale ni wulira Musengwa Katonda by'akoba: Mboine Musengwa Katonda oyo ng'atyaime ku kityamo kye eky'obwakyabazinga, ng'eigye lyonalyona ery'omu igulu lyemereire ku luuyi lwe olw'omukono omusaadha ni ku lw'omugooda.

Isaia 1:10

Muwulirise Musengwa Katonda by'akoba, imwe abakulembeze ba Yerusalemu abali ng'oti n'ab'e Sodoma; mutege kutu imwe abantu abali ng'oti n'ab'e Gomorra, mwetegereze Katonda waife by'abeegeresa.

Yeremia 19:3

Oidha kubakoba oti, ‘Imwe bakyabazinga ab'omu Buyudaaya n'imwe abantu ab'omu Yerusalemu, mumpulirise nze Musengwa Katonda Afuga Amagye era Katonda wa Isiraeli. Nja kuleeta ku kifo kino akabi nga kiisi akawuliraku, amatu ge gamuwaawaala buwaawaale.

Yeremia 2:21

Ate nga nali mbasimbye ng'omuzabbibu ogw'embala, ogw'ensigo esingamu bulungi. Aye bona bwe mwonooneike ni mufuuka ng'oti n'omuzabbibu ogw'omu nsiko!

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Matayo 13:18

“Kale imwe muwulire olufumo luno olw'omusizi.

Matayo 20:1

“Kuba Obwakyabazinga obw'omu igulu bufaanana ng'oti ni mwene ghaka eyawuuna okuta abakozi mu isamba lye ery'emizabbibu.

Matayo 21:28

“Kale mudhuuba mutya ku kino? Ghaaligho omusaadha ng'ali n'abaana be babiri. Yaaja y'asooka yaamukoba ati, ‘Mwana wange, ja olwaleero okole mu isamba ery'emizabbibu.’

Matayo 23:2

Yaakoba ati: “Abanamateeka n'Abafarisaayo n'abatyama ku kityamo kya Musa.

Mariko 13:34

“Kiri ng'omuntu avaagho n'aja eghala, n'aleka amaka ge ng'aghaire abagheereza be obuyinza ate n'emirimo emyawufu buli mugheereza. Era oyo ali ku mulyango n'amulagira okukuumanga.

Luka 19:12

Kale yaabakoba ati: “Ghaaligho omusaadha ow'ekitiisa eyaja mu nsi ey'eghala afuulibwe kyabazinga memale aire.

Yoanne 15:1

“Ninze omuzabbibu gwenegwene, ate Lata wange n'omulimi.

Amateeka Agokubiri 16:18

Musa yaakoba Abaisiraeli ati: “Mwidha kutangagho abalamuzi n'abakulembeze mu bibuga byaimwe byonabyona Musengwa Katonda waimwe by'abagha, nga mubatoola mu buli kika kyaimwe. Baidha kusaliranga abantu ensonga mu butuufu.