Matayo 21:31 - Baibuli Ekibono kya Katonda 2014

³¹ Ku babiri abo naani eyakola lata we kye yayenda?” Baakoba bati: “N'eyasooka.” Agho ni, Yesu yaabakoba ati: “Bwenebwene ka mbakobere: abaghooza b'omusolo ni bamalaaya balibasooka mu Bwakyabazinga bwa Katonda

Matayo 21:31 ပူးပေါင်းရင်းမြစ်များ

Yobu 15:6

Omunwa gwo gwene n'ogukusalira omusango okukusinga, se ti ninze. By'oyogera byene n'ebikulumiriza.

Ezekieli 33:11

Bakobe oti nze Musengwa Katonda nga bwendi omulamu, tinhumirwa kubona mwonooni ng'afiire. Aye nhenda akyuke aleke ebibi bye, abe mulamu. Imwe abantu b'eighanga Isiraeli, mukyuke. Mukyuke muve mu mpisa dhaimwe embi. Lwaki mwenda okufa?

Matayo 12:50

Buli akola Lata wange ali mu igulu ky'ayenda, oyo ni muganda wange, ni mwanhinaze ni mukaire wange.”

Matayo 18:3

yaakoba ati: “Bwenebwene ka mbakobere okutoolaku nga mukyuse mwaba ng'oti baana bato, timughanga naire kwingira mu Bwakyabazinga bwa mu igulu.

Matayo 20:16

“Kale ab'ensembo batyo bwe baliba ab'emberi ate n'ab'emberi baaba ab'ensembo.”

Matayo 21:30

Omusaadha yaaja y'owokubiri yaamukoba n'ekirala. Oyo yairamu ati, ‘Isebo ndidha kuja.’ Aye tiyaja.

Matayo 5:18

Bwenebwene mbakobera nti, okutuusa ng'eigulu n'ensi biwoiregho, enukuta endala waire akatoonheze akalala, tibiridibizibwa mu Mateeka, okutuusa nga byonabyona bibairegho.

Matayo 5:46

kuba bwe mugonza abo ababagonza mufunamu ki? Abaghooza boona tibwebakola?

Matayo 6:5

“Bwe mubanga nga musaba mutabanga ng'abakuusa kuba benda okusaba nga beemereire mu sinagoga ni mu maagaanana ag'enguudo, abantu bababone bwenebwene mbakobera nti empeera yaibwe bagifunie.

Matayo 7:21

“Buli muntu andheta ati: ‘Musengwa, Musengwa’, ti n'alingira mu Bwakyabazinga obw'omu igulu, aye oyo akola Lata wange ali mu igulu ky'ayenda.

Matayo 9:9

Agho Yesu bwe yali ng'atambula, ng'ava eyo, yaabona omuntu ng'atyaime ghe bawooleza, nga bamweta Matayo, era yaamukoba ati: “Nnonereza.” Yaasituka yaamunonereza.

Luka 15:10

Kale ka mbakobere: Ebaayo okusagamba mu bamalaika ba Katonda olw'omwonooni omulala eyeenenia.”

Luka 19:22

Yaamukoba ati, ‘Omugheereza omubi iwe, by'oyogeire kwe nnaasinziira okukusalira omusango. Wamanha oti ndi muzibu, ntwala ebitali byange, naakungula bye ntaasiga

Luka 7:29

Abantu boonaboona baamuwulira, era abaghooza ab'omusolo baamanha obutuufu bwa Katonda, Yoanne yaababatiza.

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

Yoanne 3:5

Yesu yaamwiramu ati: “Bwenebwene ka nkukobere, okutoolaku ng'omuntu azaaliibwa amaadhi ni Mwoyo, taghanga kwingira mu Bwakyabazinga bwa Katonda.

Ebikolwa by'Abatume 17:30

Katonda tiyafanga ku ebyo abantu bye baakolanga olw'obutamanha bwaibwe, aye mperaano alagira abantu boonaboona ghe bali, beenenie

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Ab'e Roma 5:20

Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.

2 Petero 3:9

Musengwa talwisaagho kutuukiriza kye yasuubiza ng'oti n'abandi bwe balowooza. Aye abaguminkiriza kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe.