Matayo 21:26 - Baibuli Ekibono kya Katonda 2014

²⁶ Ate bwe tukoba tuti, ‘Kwava mu bantu,’ tuba twereeteire omutawaana ogw'abantu, kuba boonaboona bakiidhi nga Yoanne yali mulanzi mwene.”

Matayo 21:26 ပူးပေါင်းရင်းမြစ်များ

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Matayo 11:9

Aye kale imwe mwaja kubona ki? Mulanzi? N'agh'agho, ka mbakobere: Mwaja kubona asingaku n'omulanzi

Matayo 14:5

Aye waire yeegomba okumwita, yatya abantu abaali bamutwala nga mulanzi.

Matayo 21:11

Eikuukuubira lyakoba liti: “Ono ni Yesu omulanzi ow'e Nazarethi mu Galilaaya.”

Matayo 21:25

Okubatiza kwa Yoanne kwava gha? Kwava mu igulu oba mu bantu?” Agho beebuuzagania nga bakoba bati: “Bwe tukoba tuti, ‘Kwava mu igulu,’ aidha kutukoba ati, ‘Memale lwaki timwamwikiriza?’

Matayo 21:27

Agho baakoba Yesu bati: “Titwidhi.” Agho yaakoba ati: “Zeena tiidha kubakobera buyinza bunkoza ebyo.”

Matayo 21:46

Baagezaaku okumugema, aye baatya olukunkumuli olw'abantu abaali bamwidhi nga mulanzi.

Mariko 11:32

Mperaano tukobe tuti kwava mu bantu?” Baali batya abantu, kuba boonaboona baali bakitwala bati Yoanne yali mulanzi mwene.

Mariko 12:12

Baali benda okumugema, kuba baali bamanhie ng'olufumo alugereiza ku beene, aye baatya ekiyindi eky'abantu. Kale baamuleka yaaja.

Mariko 6:20

Herode yali atya Yoanne, ng'amwidhi bw'ali omuntu omutuufu era omutuukirivu n'okumukuumanga obukalamu. Yayagaananga obuzibu mu bye yayogeranga, aye ng'amuwulirisa bukalamu.

Luka 20:19

Mu saawa eyo Abanamateeka ni Bakabona Abakulu baayenda bamugeme kuba baategeera bati mu lufumo olwo yali ayogera ku beene, aye baatya abantu.

Luka 20:6

Ate bwe tunaakoba tuti kwava mu bantu, abantu boonaboona baidha kutukuba amabaale, kuba bakikakasa mu myoyo gyaibwe bati Yoanne yali mulanzi.”

Luka 22:2

Bakabona Abakulu n'Abanamateeka baali bali kwagala engeri ey'okuzikiriza Yesu, kuba baali batya abantu.

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

Yoanne 9:22

Baayogera batyo lwa kutya Abayudaaya, kuba Abayudaaya baali bamaze okusalagho bati omuntu yeenayeena ayatula ati Yesu ni Kurisito wa kubingibwa mu sinagoga.

Ebikolwa by'Abatume 5:26

Agho omukulu ow'abakuumi yaaja n'abasaadha be, baaleeta Abatume, aye nga tibakozeisa maani, kuba baatya abantu okubakuba amabaale.