Matayo 21:12 - Baibuli Ekibono kya Katonda 2014

¹² Agho Yesu yangira mu isinzizo lya Katonda, yaabingamu boonaboona abaali batundira n'abaali bagulira mu isinzizo. Yaafundika emeeza edh'abaali bafaana empiiya, n'ebityamo eby'abaali batunda enjiibwa.

Matayo 21:12 ပူးပေါင်းရင်းမြစ်များ

Okuvaayo 30:13

Buli muntu abalibwa aidha kughaayo ebitundu bya feeza ng'ajiira ku mbalirira entongole ey'omu isinzizo. Buli muntu anaabanga n'okughaayo ekigheebwayo ekyo eri nze Musengwa Katonda.

Abalevi 1:14

“Bw'anaabanga ng'aja okughaayo omusengo ogwokebwa omulomba nga gwa nhonhi, aidha kughangayo njiibwa oba ighemba.

Abalevi 12:6

“Agho enaku edh'okutukuzibwa kwe bwe dhinaawangaku, edh'omwana omulenzi oba omughala, omukazi oyo anaaleetanga eri kabona ku mulyango gw'Eweema ey'Okwagaananirangamu ni Musengwa Katonda, entaama ento ey'omwaka omulala, ebe ekigheebwayo ekyokebwa, n'enjiibwa oba eighemba eito, okuba ekigheebwayo olw'ebibi.

Abalevi 12:8

“Omukazi bw'aba nga taghanga kughaayo ntaama nto, anaaghangayo amaghemba amato abiri oba enjiibwa ibiri, olw'ekigheebwayo ekyokebwa, n'olw'ekigheebwayo olw'ebibi. Kabona anaaghangayo ebigheebwayo ebyo ng'omusengo eri Musengwa Katonda olw'omukazi oyo, yaaba mulongoofu.”

Abalevi 14:22

Era aidha kuleetanga enjiibwa ibiri, oba amaghemba amato abiri nga bw'anaabanga ng'aghanze. Eighemba erindi linaabanga ekigheebwayo olw'ebibi, n'erindi ekigheebwayo ekyokebwa.

Abalevi 14:30

Agho anaaghangayo eyindi ku njiibwa, oba erindi ku maghemba amato, ng'ole bw'anaabanga ng'asoboire okufuna,

Abalevi 15:14

Ku lunaku olwomunaana aidha kutwalanga enjiibwa ibiri oba amaghemba amato abiri, ku mulyango gw'Eweema ey'Okwagaananirangamu ni Musengwa Katonda, yaabigha kabona.

Abalevi 15:29

Ku lunaku olwomunaana, aidha kutwalanga enjiibwa ibiri oba amaghemba amato abiri, eri kabona ku mulyango ogw'Eweema ey'Okwagaananirangamu ni Musengwa Katonda.

Abalevi 5:11

Aye omuntu oyo bw'anaabanga nga tasobola kughaayo maghemba abiri oba njiibwa ibiri, anaaleetanga kilo ndala ey'obuwunga obuseereibwa obukalamu, ng'ekigheebwayo olw'ebibi. Taateerengaku muzigo waire obubbaani, kuba ekyo n'ekigheebwayo olw'ebibi, se ti ni kire ekigheebwayo eky'emere ey'empeke.

Abalevi 5:7

Aye omuntu oyo bw'anaabanga nga tasobola kughaayo ntaama oba mbuzi, olw'okuba ow'entoola ghatono, anaaleetanga enhonhi dhino eri Musengwa Katonda dhaaba ekigheebwayo ng'omutango olw'omusango gw'aiziiza: amaghemba abiri oba enjiibwa ibiri enhonhi eyindi ng'ekigheebwayo olw'ebibi, ate eyindi ng'ekigheebwayo ekyokebwa.

Mariko 11:11

Yatuuka e Yerusalemu, yangira mu isinzizo era ng'amaze okwekalirisa buli kintu, yaaja e Bethania n'Eikumi n'Ababiri, kuba obwire bwali bujiire.

Luka 2:24

Era baaja n'okughaayo omusengo nga bwe kyalagirwa mu iteeka lya Musengwa amayemba abiri oba enjiibwa ento ibiri.

Yoanne 2:13

Ekibinuko eky'Okubitizibwa eky'Abayudaaya nga kiri kumpi okutuuka, Yesu yaaniinaniina e Yerusalemu.