Matayo 20:28 - Baibuli Ekibono kya Katonda 2014

²⁸ Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Matayo 20:28 ပူးပေါင်းရင်းမြစ်များ

Yobu 33:24

Malaika oyo asobola okumugemerwa ekivunika, era yaakoba Katonda ati, ‘Muwonie alobe kwika magombe. Leka mmununule.

Zabbuli 49:7

Bwenebwene ghazira muntu asobola kwenunula mwene, oba okusasula Katonda omughendo oguja mu bulamu bwe;

Isaia 53:5

Aye olw'ensobi dhaife baamufumita baamutaaku ebibwa, era olw'ebibi byaife baamunuubulanuubula. Baamudaazadaaza ife tuwonezebwe, era baamukuba emiigo ife tube abalamu.

Isaia 53:8

Baamutoolagho, baamutwala okumusalira omusango mu kusaliriza. Ghazira yalowooza ku buzaale bwe, aye yaitibwa bwitibwe yaatoolebwa mu nsi ey'abalamu. Ekyo kyamutuukaku olw'ebibi by'abantu baife.

Okubala 7:15

ente ento enume ndala, entaama ento enume ndala ey'omwaka omulala, n'entaama enume ndala enkulu; ekyo nga n'ekigheebwayo ekyokebwa.

Matayo 20:27

era buli ayenda kuba asooka mu imwe, abe mwiru waimwe.

Matayo 26:28

kuba guno musaayi gwange, ogw'endagaano empyaka oguyuyibwa olw'abantu kamaala okusoniyibwa ebibi.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Mariko 10:45

kuba n'Omwana w'Omuntu tiyaidha kugheerezebwa aye kugheereza n'okughaayo obulamu bwe, olw'okununula abantu kamaala.”

Mariko 14:24

Era yaabakoba ati: “Guno n'omusaayi gwange ogw'endagaano empyaka ogunaayuyika ku lw'abantu kamaala.

Luka 22:27

kuba naani asinga? Atyama ku kiiwulo oba amugheereza? Ti n'atyama ku kiiwulo? Aye nze ndi mu imwe ng'omugheereza.

Yoanne 10:15

ng'oti ni Lata bw'andidhi zeena ni mmumanha. Era mpaayo obulamu bwange olw'entaama edho.

Ab'e Roma 4:25

Yesu oyo yaitibwa olw'ebibi byaife, yaazuukira tusobole okutoolebwaku omusango.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

1 Timotheo 2:6

Oyo yeeghaayo olw'okununula abantu boonaboona. Ekyo kyakakasibwa mu kiseera kyakyo ekituufu.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

Abaheburayi 5:8

Waire yali Mwana wa Katonda, yayega obuwulize olw'okudaazibwadaazibwa kwe yabitamu.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

1 Yoanne 2:2

Oyo n'omutango ogw'ebibi byaife, ate ti bibi byaife byonka aye n'ebibi eby'abantu abandi boonaboona.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,