Matayo 20:21 - Baibuli Ekibono kya Katonda 2014

²¹ Yesu yaamukoba ati: “Oyenda ki?” Yaamukoba ati: “Koba abaana bange bano bombi batyame, omulala ku mukono gwo omusaadha ate owundi ku mugooda, mu Bwakyabazinga bwo.”

Matayo 20:21 ပူးပေါင်းရင်းမြစ်များ

1 Bakyabazinga 2:19

Kale Bathisheba yaaja ye kyabazinga Solomoni okwogererayo Adoniya. Kyabazinga yaasituka okusangaaza inhina ng'akutaimeku. Yaatyama ku kityamo kye eky'obwakyabazinga. Yaalagira baaleetera inhina ekityamo, inhina yaatyama ku luuyi olw'omukono omusaadha olwa kyabazinga.

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Zabbuli 45:9

Abandi ku bakazi ab'ebitiisa abali mu luya lwo, baana ba bakyabazinga, ku luuyi lw'omukono gwo omusaadha n'aghali inhebantu, ng'avaire ebya zaabu ole mwene ava mu Ofiri.

Yeremia 45:5

Obwo iwe oli kwenda obisibwe mu nsambo ey'endhawulo? Busa naire, ebyo biveeku. Ndidha kuleeta akabi ku bantu boonaboona. Aye iwe weesuneku, kuba oidha kuwoniangagho obulamu bwo, eyo yoonayoona y'olija. Nze Musengwa Katonda, ninze nkobye.”

Matayo 18:1

Mu kiseera kyene ekyo Abeegeresebwa baidha ye Yesu baamubuuza bati: “Naani asinga obubbede mu Bwakyabazinga obw'omu igulu?”

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 20:22

Yesu yairamu ati: “Kye musaba timukiidhi. Mughanga okunhwa ku kikopo kye nja okunhwa?” Baamukoba bati: “Tughanga.”

Matayo 20:32

Agho Yesu yaayemerera, yaabeeta, yaakoba ati: “Mwenda mbakolere ki?”

Mariko 10:51

Yesu yaamukoba ati: “Oyenda nkukolere ki?” Omutulu yaamukoba ati: “Rabboni”, ekitegeeza “Mwegeresa”, “Nhenda kwiramu kubona.”

Mariko 16:19

Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Mariko 6:22

Ku mbaga eyo mughala wa Herodia bwe yangira n'akina, Herode n'abageni be basiima. Agho Herode yaakoba omughala ati: “Nsaba kyonakyona ky'oyenda ndidha kukikugha.”

Luka 18:41

“Oyenda nkukolere ki?” Yaakoba ati: “Musengwa nhenda kwiramu kubona.”

Luka 19:11

Bwe baali bakaawulirisa ebyo, Yesu yeeyongera, yaabafumira olufumo, kuba yali ali kumpi ni Yerusalemu, ate nga baali badhuuba bati Obwakyabazinga bwa Katonda bwali bwa kuboneka mangu ago.

Luka 22:24

Abeegeresebwa be baatoolera okutakana beene na beene bati naani ku beene asinga.

Yoanne 15:7

Bwe muba mu nze n'ebibono byange ni biba mu imwe, musabenga kyonakyona kye mwenda kinaabakolerwanga.

Ebikolwa by'Abatume 1:6

Kale ni, Abatume bwe baali beesoloiza agho, baamubuuza bati: “Musengwa, koodhi mu biseera bino gh'onairizaagho obwakyabazinga bwa Isiraeli?”

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 8:34

Ghazira aghanga kubasingisa musango, kuba Kurisito Yesu mwene eyafa ate n'azuukira, era atyaime ku mukono omusaadha ogwa Katonda n'atwogererayo.

Ab'e Kolosai 3:1

Oba nga mwazuukizibwa ni Kurisito mudhuube ku bintu ebiri mu igulu, Kurisito y'atyaime ku luuyi lw'omukono omusaadha ogwa Katonda.