Matayo 20:19 - Baibuli Ekibono kya Katonda 2014

¹⁹ Era balimughaayo mu bamaghanga agandi, baamukiina, baamukuba enkoba, baamukomerera ni ku musalaba aye ku lunaku olwokusatu alizuukira.”

Matayo 20:19 ပူးပေါင်းရင်းမြစ်များ

Yobu 30:8

Bali agho batyo basirusiru era tibamanhiibwa. Baakubwa emiigo, baabingibwa mu ighanga.

Zabbuli 35:16

Beekalangula okunkiina ng'oti n'abatatya Katonda bwe bakola, baaningirira nga baneeguguna.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Hosea 6:2

Mu nnaku ibiri oba isatu alitwizaamu obulamu, twaba balamu mu maiso ge.

Matayo 12:40

Nga Yona bwe yali munda y'ogwenhandha okumala enaku eisatu, omusana n'obwire, n'Omwana w'Omuntu atyo bw'aliba mu itaka munda enaku isatu, omusana n'obwire.

Matayo 16:21

Okuva ku olwo Yesu yaatoolera okulaga Abeegeresebwa be ati ali n'okuja e Yerusalemu, n'okudaazibwadaazibwa einho abakulu ab'ebika, Bakabona Abakulu, n'Abanamateeka, era bamwite, ate azuukire ku lunaku olwokusatu.

Matayo 17:23

era baidha kumwita ate ku lunaku olwokusatu alizuukira.” Abeegeresebwa baanakughala inho.

Matayo 27:26

Agho Pilato yaabalekulira Barabba ate Yesu nga bamaze okumuwaiga enkoba, yaamubagemya bamukomerere ku musalaba.

Matayo 27:63

Baakoba bati: “Musengwa twidhukiire ng'omuguya oyo bwe yali ng'akaali mulamu yakoba ati, ‘Nga ghabiseegho enaku isatu ndizuukira.’

Mariko 14:65

Ng'olwo abandi batoolera kumufuudhaku, baamughemba mu maiso, baamukuba, eno nga bwe bamukoba bati: “Teeba akukubye.” N'abakuumi baamusangaaza na gafunsi.

Mariko 15:1

Olwakya buti, nga Bakabona Abakulu, n'abakulu ab'ebika, n'Abanamateeka n'embuga yoonayoona, bateesa, nga basiba Yesu nga bamutwala, bamughaayo ewa Pilato.

Mariko 15:15

Agho Pilato olw'okwenda okusiimya ekiyindi, yaabalekulira Barabba, era yaaghaayo Yesu akomererwe ku musalaba ng'amaze okumukuba enkoba.

Luka 18:32

Aja kugheebwayo mu mikono egy'abamaghanga agandi, bamukiine, bamuvume, bamufuudheku amatanta.

Luka 23:11

Era Herode n'abaisirukale be, baamukola ebikolwa eby'obudhoozi baamusekerera, agho baamuvaaza ekivaalo eky'ekitiisa memale yaamwiriza Pilato.

Luka 24:46

yaabakoba ati: “Kiti bwe kyaghandiikibwa nti Kurisito ali n'okudaagadaaga era ku lunaku olwokusatu azuukire okuva mu bafu,

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Ebikolwa by'Abatume 21:11

Yaidha ye tuli, yaatoola olukoba lwa Paulo yaalwesiba amagulu n'amakono yaakoba ati: “Mwoyo Mutukuvu akoba ati, batyo Abayudaaya abali mu Yerusalemu bwe balisiba mwene lukoba luno ni bamughaayo y'abamaghanga agandi.”

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.