Matayo 20:15 - Baibuli Ekibono kya Katonda 2014

¹⁵ Ghaligho ekindobera okukozesa ebyange nga bwe nhenda? Oba, nze okuba omulungi n'okuuninga ekimodi?’

Matayo 20:15 ပူးပေါင်းရင်းမြစ်များ

Okuvaayo 33:19

Musengwa Katonda yaamwiramu ati: “Ndidha kubisa obulungi bwange bwonabwona mu maiso go, era ndhatule eriina lyange nze Musengwa Katonda ng'owulira. Ndidha kugemerwa ekivunika oyo ye nhenda okugemerwa ekivunika, era nsaasire oyo ye nhenda okusaasira.

Ensambo 23:6

Otaganhanga kuja kulya mere ya mukodo era otavuvuuganiranga birungo bye by'agabula.

Ensambo 28:22

Omuntu omukenge agwidhubanira okufuna okukombaghala, nga taidhi ng'obwavu bulimwidhira.

Yeremia 18:6

“Imwe Abaisiraeli, mulowooza muti nze tisobola kukola ku imwe ekyo omuwumbi oyo ky'akola ku itosi? Muli mu ngalo dhange ng'eitosi bweriba mu ngalo edh'omuwumbi.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Matayo 20:14

Gema ekikyo weejiire nze nhenze okugha ono asembyeyo okwidha ng'oti niiwe bwe nkughaire.

Matayo 6:23

Aye eriiso lyo bweriba eibi, omubiri gwo gwonagwona guba mu nzikiiza. Kale ni oba nga obutangaavu obuli mu iwe bufuuse nzikiiza, memale olwo enzikiiza yeene enaayaga gha?

Mariko 7:22

omuluulu, omulyakubi, obugwenhufu, obuguya, ensaalwa, okughaayiriza, olunkulu n'obusirusiru.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Ebikolwa by'Abatume 13:45

Aye Abayudaaya bwe baabona eikuukuubira ery'abantu, ensaalwa yaabagema, baatakania Paulo bye yayogera era baamuvuma.

1 Ab'e Korintho 4:7

Naani eyakufuula ow'ekitiisa okusinga abandi? Katonda ti n'eyakugha byonabyona by'oli nabyo? Kale byonabyona by'oli nabyo bwe biri birabo bulabo, ozira nsonga lwaki weesuuta.

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'Efeso 2:1

Eira mwali bafu olw'empwitu n'ebibi

Ab'Efeso 2:5

waire twali tufiiriire mu bibi byaife, yatwizaamu obulamu ghalala ni Kurisito. Mwalokolebwa lwa kisa kya Katonda.

Amateeka Agokubiri 15:9

Mutalobanga kumuwola nga mukoba muti kuba omwaka ogwomusanvu ogw'okusoniyiramu amabandha guli kumpi okutuuka, mube nga timusasulwa bye mubandha. Mutaganhanga ndowooza mbi eyo kwingira mu myoyo gyaimwe. Bwe munaalobanga okumuwola, memale n'alirira Musengwa Katonda okubavunaana, olwo mwidha kubanga nga muli n'omusango.

Amateeka Agokubiri 28:54

Omusaadha ow'empisa enkalamu era omwegendereza einho, alitungulira muganda we amaiso, ni mukazi we y'agonza einho, n'abaana be abaliba nga bakaasigairegho, yaabaleetera okutya.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

Yakobo 5:9

Aboluganda, mutaduuduumanga nga mwogeraganaku kino oba kire, olwo lwe mutalisalirwa musango. Mwidhukire ng'omusazi w'omusango tabali ghala.