Matayo 2:4 - Baibuli Ekibono kya Katonda 2014

⁴ Agho Herode yaasoloza Bakabona Abakulu boonaboona n'Abanamateeka ab'eighanga yaababuuza gha Kurisito ye yali ow'okuzaalibwa.

Matayo 2:4 ပူးပေါင်းရင်းမြစ်များ

2 Ebyomubyanda 34:13

Abalevi abandi baalabiriranga abo abeetwikanga ebintu, era baakozesanga n'abo boonaboona abaakolanga emirimo egya buli ngeri. Ate abandi baabanga baghandiisi, bakulembeze, oba baigazi ba miryango.

2 Ebyomubyanda 34:15

Agho Hilikia oyo yaakoba Shafani omughandiisi ati: “Nzwire ekitabo ky'Amateeka mu isinzizo.” Yaakigha Shafani.

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Ezera 10:5

Ezera yaasituka, yaakoba abakulembeze ba bakabona, n'aba Abalevi, n'aba Abaisiraeli boonaboona, balayire bati baidha kwawukana n'abakazi abamaghanga agandi. Kale baakola omukolo ogw'okulayira.

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Nehemia 12:7

ni Sallu, ni Amoki, ni Hilikia, ni Yedaia. Abo n'abaakuliranga bakabona banaibwe mu biseera Yeshua ghe yabeera Kabona Omukulu.

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Yeremia 8:8

Musobola mutya okukoba muti, ‘Tuli bagezi, era twidhi amateeka ga Musengwa Katonda,’ aye ng'ate abanamateeka baagafuulaniafuulania, gaafuuka ga buguya?

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Matayo 13:52

Yaabakoba ati: “Kale ni kiisi Munamateeka ayega mu by'Obwakyabazinga obw'omu igulu afaanana ng'oti n'omuntu mwenemu, atoola mu iterekero lye ebiyaaka n'ebikaire.”

Matayo 2:3

Olwawulira bino, kyabazinga Herode ni Yerusalemu yoonayoona baatabulwa.

Matayo 2:5

Baamukoba bati: “Mu Bethelehemu eky'e Buyudaaya kuba kyaghandiikibwa omulanzi kiti:

Matayo 21:15

Aye Bakabona Abakulu n'Abanamateeka bwe baabona ebyewuunhisa bye yakola, ni babona n'abaana nga baleekaanira mu isinzizo bati: “Hosanna mwidhukulu wa Daudi,” baanakughala.

Matayo 21:23

Agho Yesu yaidha mu isinzizo, era bwe yali ayegeresa Bakabona Abakulu n'abakulu ab'ebika baaseeta gh'ali baamukoba bati: “Buyinza ki obukukoza bino, era naani eyakugha obuyinza obwo?”

Matayo 26:3

Agho Bakabona Abakulu n'abakulu ab'ebika beesololeza mu kisaagaati kya Kayafa Omukulu wa Bakabona,

Matayo 26:47

Yesu bwe yali ng'ayogera, Yuda, omulala ku Ikumi n'Ababiri yaatuuka n'eikuukuubira ery'abantu okuva eri Bakabona Abakulu, n'abakulu ab'ebika, nga bagemye empiima n'emiigo.

Matayo 27:1

Obwire bwe bwakya, Bakabona Abakulu boonaboona n'abakulu ab'ebika baateesa ensambo ey'okwitamu Yesu.

Matayo 7:29

kuba yali abeegeresa nga mwene buyinza, ti ng'Abanamateeka baibwe.

Mariko 8:31

Yaatoolera okubeegeresa ng'Omwana w'Omuntu bwateekwa okudaazibwadaazibwa einho, okwegaanibwa abakulu ab'ebika, Bakabona Abakulu, n'Abanamateeka, n'okwitibwa, era nga ghabise enaku isatu azuukire.

Luka 20:19

Mu saawa eyo Abanamateeka ni Bakabona Abakulu baayenda bamugeme kuba baategeera bati mu lufumo olwo yali ayogera ku beene, aye baatya abantu.

Luka 23:10

Bakabona Abakulu n'Abanamateeka baayemerera beekalangula n'amaani okughaghabira Yesu.

Yoanne 18:3

Kale Yuda yaaja mu kifo ekyo n'abaisirukale n'abakuumi abaatumibwa Bakabona Abakulu n'Abafarisaayo. Baaja nga bagemye eby'okulwanisa, amataala n'engada edhiri kwaka.

Yoanne 3:10

Yesu yaamwiramu ati: “Waaba mwegeresa mukulu mu Isiraeli waaloba kumanha ekyo?

Yoanne 7:32

Abafarisaayo baawulira okuduuduuma mu ikuukuubira ku bigema ku Yesu. Era bano ni Bakabona Abakulu baasindika abakuumi baje bamugeme.

Yoanne 8:3

Abanamateeka n'Abafarisaayo baamuleetera omukazi ye baagema ng'ayenda, baamwemereza agho mu maiso gaibwe.

Ebikolwa by'Abatume 23:9

Ghaabaagho okukaabuka kunene era abandi ku Banamateeka ab'omu kikunsu eky'Abafarisaayo, baayemerera, baatakana n'amaani baakoba bati: “Titubona kibi ku muntu ono. Tomanha omwoyo oba malaika bw'aba ng'ayogeire naye.”

Ebikolwa by'Abatume 4:5

Agho bwakya abafuzi baibwe, n'abakulu ab'ebika, n'Abanamateeka beesololeza mu Yerusalemu

Ebikolwa by'Abatume 6:12

Kale baasasamaza abantu, n'abakulu ab'ebika, n'Abanamateeka, era baamugema baamuleeta mu lwekobaano.