Matayo 2:18 - Baibuli Ekibono kya Katonda 2014

¹⁸ “Mu Rama yaawulikikayo amamiro ag'okugegenga n'okukuba empungu edh'amaani. Rakeli ng'agegenga olw'abaana be, era nga tayenda na kusaasirwa, kuba baali nga tibakaaligho.”

Matayo 2:18 ပူးပေါင်းရင်းမြစ်များ

Amainhama 37:30

Yairayo eri baganda be, yaakoba ati: “Omwisuka azirayo. Kale nnaaja gha nze?”

Amainhama 42:36

Iseibwe Yakobo yaakoba ati: “Muumazeeku abaana bange: Yosefu takaaligho, ni Simeoni takaaligho. Era mpegaano mwenda kuntoolaku ni Benjamini. Ebyo byonabyona birumya mulala nze!”

Yobu 14:10

Aye omuntu afa yaaweeramu irala; bw'agheera ogw'enkomerero aba nga takaaligho.

Yeremia 31:15

Musengwa Katonda yaakoba ati: “Mu Rama yaawulikikayo amamiro ag'okugegenga n'okukuba empungu edh'amaani. Rakeli ng'agegenga olw'abaana be era nga tayenda na kusaasirwa, kuba baali nga tibakaaligho.

Yeremia 4:31

Mpuliire okusinda ng'oti n'okw'omukazi ali kulumwa okuzaala, era naawulira okwana ng'oti n'okw'omukazi ali kuzaala omwana we omuberi. Okwo n'okulira kwa Yerusalemu ali kusika omuuka nga tigwidha, n'ayandhuluza emikono ng'akoba ati: ‘Nkagwireku nze! Abatemo bali kwenda kundhita!’”

Ezekieli 2:10

Agho yaazingulula enzingo ey'ekitabo eyo mu maiso gange, naabona nga yaghandiikibwaku munda ni ku ngulu. Yali nga yaghandiikibwaku ebibono eby'okulira enaku, n'okugegenga, n'okuwowoola.

Matayo 2:17

Kityo ni kyatuukirira omulanzi Yeremia kye yakoba ati:

Luka 8:52

Boonaboona abaaligho, baali mu kulira na kugegenga. Aye yaabakoba ati: “Mutalira, tafiire aye atendwike!”

Okwolekebwa 8:13

Agho naabona era naawulira enkookooma, yaaguluka nga yeeruupiise ghaigulu ng'eyasiikana eti: “Mukagwireku! Mukagwireku! Mukagwireku imwe abali ku nsi, amagwala agandi asatu bwe ganaavuga bamalaika abasatu ge baja okufuuwa.”