Matayo 2:13 - Baibuli Ekibono kya Katonda 2014

¹³ Agho ng'abo baakavaagho, malaika wa Musengwa yaabonekera Yosefu mu kirooto yaamukoba ati: “Situka otoole omwana n'inhina mulumukire e Misiri, era musigale eyo okutuusa lwe ndiba ni kye nkukoba, kuba Herode aja kunoonia omwana okumwita.”

Matayo 2:13 ပူးပေါင်းရင်းမြစ်များ

1 Bakyabazinga 11:17

okutoolaku Hadadi n'abandi ku bagheereza Abaedomu aba lata we, abaalumuka ni baja e Misiri ni Hadadi oyo ng'akaali mwana muto.

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Yobu 33:15

Obwire abantu nga batendwike ku buliri mu ndoolo enhingi einho, baba ni bye babonera mu birooto ni mu kubonekerwa.

Yobu 33:17

Katonda ayogera asobole okutoola abantu mu bikolwa ebibi, era abawonie okwekuluntaza.

Okuvaayo 1:22

Agho kyabazinga yaalagira abantu be boonaboona ati: “Musuulenga buli mwana mulenzi azaalibwa Abaheburayi mu mwiga Kiyira aye abaghala mubalekenga nga balamu.”

Matayo 1:20

Aye aba akaalowooza ekyo, malaika wa Musengwa yaamubonekera mu kirooto yaamukoba ati: “Yosefu omwana wa Daudi, otatya kutwala Maria abe mukazi wo, kuba ky'alinda kya Mwoyo Mutukuvu.

Matayo 10:23

Era bwe babakiriganga nga muli mu kibuga kino, mulumukiranga mu kindi kuba bwenebwene mbakobera: Timulimaza bibuga bya Isiraeli ng'Omwana w'Omuntu akaali kwidha.

Matayo 2:12

Era nga bwe baalabulwa mu kirooto obutaira wa Herode, baagema engira eyindi okuja mu nsi ey'ewaibwe.

Matayo 2:14

Agho Yosefu yaasituka yaagema ku mwana n'inhina obwire obwo baaja e Misiri

Matayo 2:16

Agho Herode bwe yategeera nga bamutebwike, yaasungughala ekibitiriire era yaalagira okwita abaana abalenzi boonaboona ab'emyaka ebiri n'okwika ghansi abaali mu Bethelehemu n'ebiketezo ebikiriinaine, okusinziira ku biseera bye yali amaze okukakasa obukalamu n'abasaadha bale.

Matayo 2:22

Aye bwe yawulira ati Arikelao n'eyali afuga Buyudaaya ng'omusika wa Herode, yaatya okuja eyo. Era bwe yalabulwa mu kirooto yaaja mu biketezo eby'e Galilaaya.

Ebikolwa by'Abatume 10:22

Bairamu bati: “Korunelio, omukulu ow'ekikunsu eky'abaisirukale n'atutumye. Omusaadha ono mutuufu, atya Katonda, era Abayudaaya boonaboona bamwogeraku bukalamu. Kale, malaika omutukuvu yamukoba akwete, oje ewuwe, awulire by'oyegeresa.”

Ebikolwa by'Abatume 10:7

Malaika wa Musengwa eyali ayogera naye bwe yaja, Korunelio yaayeta babiri ku bagheereza be n'omwisirukale mulala ku abo abamukuuma, eyali omuntu ow'eidiini.

Ebikolwa by'Abatume 12:11

Agho Petero bwe yamanha ebibairegho yaakoba ati: “Mperaano ntegeereire irala nga Musengwa n'atumye malaika we okuntoola mu mikono gya Herode n'amponia ebyo byonabyona Abayudaaya bye babaire beesumba.”

Ebikolwa by'Abatume 12:7

Malaika wa Musengwa yaidha, obutangaavu bwayakira mu ikomera. Malaika yaasiinha ku Petero, yaamuzuusa yaamukoba ati: “Situka mangu.” Agho endhegere dhaalekuka ku mikono gya Petero, dhaagwa.

Ebikolwa by'Abatume 16:36

Agho omukuumi w'eikomera yaakoba Paulo ati: “Abalamuzi balagiire okubalekula. Kale mperaano mufulume muje bwera.”

Ebikolwa by'Abatume 5:19

Aye obwire, malaika wa Musengwa yaigulagho endhigi edh'eikomera yaabafulumya ng'abakoba ati:

Ebikolwa by'Abatume 7:19

Yaasalira abantu baife amagezi, yaadaazadaaza badhaadha baife ng'abasuuza abaana baibwe bafe.

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Yoshua 3:17

Abaisiraeli boonaboona baasomoka Yorudani nga batambulira ku itaka ikalu, ng'olwo bakabona beemereire ghagati mu mwiga era boona ku itaka ikalu, nga babbeedie Sanduuku y'Endagaano. Bakabona abo baasigala nga beemereire agho okutuusa abantu boonaboona bwe baamala okusomoka.

Yoshua 4:10

Bakabona abaabbeeda Sanduuku y'Endagaano baayemerera ghagati mu mwiga Yorudani okutuusa nga buli kintu Musengwa Katonda kye yalagira Yoshua okukoba abantu ng'abita mu Musa, kiwoire. Abantu baayangugha okusala omwiga Yorudani

Yoshua 4:18

Era bakabona nga babbeedie Sanduuku y'Endagaano olwava mu mwiga, ebigere byaibwe ni biniina ku bukalu biti, amaadhi gairagho mu kifo kyago era gaabanda n'okubanda nga bwe gaali ng'ebyo bikaali kubaagho.

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.

Okwolekebwa 12:4

Omukira gwagwo gwagheebya emuunienie ndala ndala ku buli muunienie isatu edh'oku igulu, gwadhisuula ku nsi. Ogusota ogwo gwayemerera mu maiso ag'omukazi eyali ali okumpi okuzaala, gumire omwana we nga yaakamala okumuzaala.

Okwolekebwa 12:6

Omukazi yaalumukira mu irungu mu kifo Katonda kye yali amaze okumutegekera, bamulabirire eyo okumala entangama ya nnaku lukumi na bibiri na nkaaga (1,260).