Matayo 19:4 - Baibuli Ekibono kya Katonda 2014

⁴ Yesu yaakoba ati: “Timusomangaku muti, ‘Okuviira irala mu mainhama, omutonzi yakola omusaadha n'omukazi?’

Matayo 19:4 ပူးပေါင်းရင်းမြစ်များ

Amainhama 1:27

Agho Katonda yaatonda abantu mu mboneka ye yeene, yaatonda omusaadha n'omukazi.

Amainhama 2:18

Musengwa Katonda yaakoba ati: “Ti kirungi omuntu okubanga yenka. Ndidha kumukolerayo omubeezi amugwanira.”

Amainhama 2:23

Omuntu yaakoba ati: “Otyo! Ono buti n'eigumba eriviire mu magumba gange, omubiri oguviire mu mubiri gwange; aidha kwetebwanga mukazi, kuba atooleibwa mu musaadha.”

Amainhama 5:2

Yatonda omusaadha n'omukazi, yaabagha enkabi era yaabatuuma eriina “Muntu.”

2 Ebyomubyanda 24:3

Yehoiada yaamufunira abakazi babiri, yaazaala nabo abaana abalenzi n'abaghala.

Malaki 2:15

Katonda imwe tiyabatonda nga muli omwoyo mulala n'omubiri mulala ni bakazi baimwe? Yali na kigendererwa ki? Yayenda muzaale abaana abamutya. Kale mwegenderezenga ghalobe kubaagho atali mwesigwa eri mukazi we ow'omu buvubuka bwe.

Matayo 12:3

Aye Yesu yaabakoba ati: “Timusomangaku Daudi kye yakola, endhala bwe yamuluma ni be yali nabo?

Matayo 21:42

Agho Yesu yaabakoba ati: “Timusomangaku kino ekyaghandiikibwa kiti, ‘Eibaale abazimbi lye baaloba bati lizira mugaso, n'eryafuuka empango ey'omusingi mu nsonda. Ekyo Musengwa n'eyakikola, era okukibona tukyewuunhia.’

Matayo 21:6

Abeegeresebwa baaja baakola nga Yesu bwe yabakoba.

Matayo 22:31

Aye ebigema ku kuzuukira okw'abafu, timusomangaku Katonda kye yabakoba, bwe yakoba ati:

Mariko 12:10

Yaakoba ati: “Timusomanga kino ekyaghandiikibwa kiti, ‘Eibaale abazimbi lye baaloba bati lizira mugaso n'eryafuuka empango ey'omusingi mu nsonda.

Mariko 12:26

“Ate ebigema ku bafu okuzuukira, timusomangaku mu kitabo kya Musa, ku ebyo ebigema ku kisaka, nga Katonda bwe yamukoba ati, ‘Ninze Katonda wa Aburahamu, Katonda wa Isaaka, era Katonda wa Yakobo?’

Mariko 2:25

Yesu yaabakoba ati: “Timusomangaku ku Daudi kye yakola bwe yali mu kizibu ng'endhala emuluma, ye mwene ni be yali nabo,

Luka 10:26

Yesu yaamwiramu ati: “Kyaghandiikibwa kitya mu mateeka. Osoma otya?”

Luka 6:3

Yesu yaabairamu ati: “Timusomangaku ku Daudi kye yakola, mwene endhala bwe yamuluma ni be yali nabo,