Matayo 19:28 - Baibuli Ekibono kya Katonda 2014

²⁸ Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 19:28 ပူးပေါင်းရင်းမြစ်များ

1 Bakyabazinga 18:31

Yaatoola amabaale ikumi n'abiri, ng'ajiira ku bungi obw'ebika eby'abantu ebisimuka mu Yakobo. Yakobo oyo, Musengwa Katonda ye yakoba ati: “Oidha kwetebwanga Isiraeli.”

2 Ebyomubyanda 9:19

Ghaaligho n'ebifaananie ebindi eby'empologoma ikumi na bibiri, nga dheemereire ndala ndala ku luuyi ni ku luuyi okwa buli idaala, ku madaala gale omukaaga. Tighaalighooku kityamo kya bwakyabazinga kyakolebwa kabiri mu bwakyabazinga bundi, nga kifaanana n'ekyo.

Ezera 6:17

Era ku mukolo ogwo baaghaayo ente enume kikumi (100), entaama enume ebikumi bibiri (200), n'entaama ento ebikumi bina (400). Baaghaayo n'embuzi enume ikumi na ibiri (12), embuzi ndalandala olwa buli kika kya Isiraeli, kibe ng'ekigheebwayo olw'ebibi eby'Abaisiraeli boonaboona.

Okuvaayo 15:27

Agho baaja baatuuka mu Elimu eyali ensulo eikumi n'ebiri, n'emiti eminaazi ensanvu, baasimba weema dhaibwe agho aghaali amaadhi.

Okuvaayo 24:4

Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Okuvaayo 28:21

era nga bwe gali amabaale eikumi n'abiri, buli irala liidha kukolebwa ng'oti n'empeta ekozesebwa ng'akamanhiso, nga lighandiikiibwaku n'ekyuma ekisongovu eriina irala ku maina ag'abaana ba Yakobo, ku lw'ebika byaibwe eikumi n'ebibiri.

Isaia 65:17

“Bona, buti ndi kutonda eigulu eiyaaka n'ensi empyaka. Era ebintu ebyabita tibiriidhukirwa waire okulowoozebwaku.

Isaia 66:22

“Ng'eigulu eiyaaka n'ensi empyaka bye ndikola bwe birisigalagho mu maiso gange, n'eizaire lyaimwe lityo bwe lirisigalagho era n'eriina lyaimwe lyona lyasigalagho.

Abalevi 24:5

“Mutoolanga kilo ikumi na ibiri edh'obuwunga obuseereibwa obukalamu, mwafumbamu emigaati ikumi n'ebiri.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 19:27

Agho Petero yaamukoba ati: “Bona eno, ife twaleka byonabyona twakunonereza olwo ife tulifuna ki?”

Matayo 20:21

Yesu yaamukoba ati: “Oyenda ki?” Yaamukoba ati: “Koba abaana bange bano bombi batyame, omulala ku mukono gwo omusaadha ate owundi ku mugooda, mu Bwakyabazinga bwo.”

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Mariko 10:37

Baamukoba bati: “Tuganhe, omulala atyame ku mukono gwo omusaadha, ate owundi ku mugooda mu kitiisa kyo.”

Ebikolwa by'Abatume 3:21

Waire nga kimugwaniire oyo buti okuba ng'akaali mu igulu okutuusa ekiseera eky'okwiza byonabyona obuyaaka nga Katonda bwe yayogerera mu balanzi be abatuukirivu okuviira irala mu mainhama.

2 Timotheo 2:12

Bwe tuguma tulifugira ghalala naye; bwe tumwegaana yeena alitwegaana.

Yoshua 3:12

Buti mu bika byaimwe Abaisiraeli mwerondemu abantu ikumi na babiri: nga buli kika mulondamu omuntu mulala mulala.

2 Petero 3:13

Aye nga Katonda bwe yasuubiza, tuteegerera eigulu eiyaaka n'ensi empyaka omuliba obutuufu.

Okwolekebwa 11:16

Agho abakulembeze amakumi abiri n'abana (24) abatyama mu maiso ga Katonda ku makonero gaibwe ag'obwakyabazinga, beeyala ghansi baasinza Katonda.

Okwolekebwa 12:1

Agho ekirikoliko kyaboneka ku igulu: ghaabaagho omukazi ng'avaire endhuba, ate ng'omwezi guli ghansi gh'ebigere bye, ku mutwe gwe nga kuliku engule ya muunienie ikumi na ibiri.

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).

Okwolekebwa 21:5

Agho eyali atyaime ku kityamo eky'obwakyabazinga yankoba ati: “Bona! Ebintu byonabyona mbiiza buyaaka.” Era yankoba ati: “Bino bighandiike, kuba ebibono bino bituufu era bya mazima.”

Okwolekebwa 22:2

Gwakulukutira ghagati gh'oluguudo lw'ekibuga ekyo. Eruuyi n'eruuyi ew'omwiga ogwo ghaaligho omuti ogw'obulamu, ogwama ebibala emikuzi ikumi n'ebiri omwaka, nga gwama buli mwezi. Amakaba gaagwo nga ga kuwonia amaghanga goonagoona.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.

Okwolekebwa 3:21

Oyo aghangula, ndimugha obukumu obw'okutyama ninze ku kityamo kyange eky'obwakyabazinga, nga zeena bwe naghangula ni ntyama ni Lata ku kityamo kye eky'obwakyabazinga.

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.

Okwolekebwa 7:4

Agho naawulira omughendo gw'abo abaateebwaku akamanhiso: Baali emitwalo ikumi n'ena n'enkumi ina (144,000), abaava mu buli kika ky'abantu ba Isiraeli.