Matayo 19:21 - Baibuli Ekibono kya Katonda 2014

²¹ Yesu yaamukoba ati: “Oba ng'oyenda okuba atuukiriire, ja otane ebibyo, oghe abaavu, era oidhe onnonereze, obukombe oliba nabwo mu igulu.”

Matayo 19:21 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 6:9

Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Matayo 16:24

Agho Yesu yaakoba Abeegeresebwa be ati: “Oba nga ghaligho ayenda okuunonereza, alobe kwefaaku naire, abbeede omusalaba gwe annonereze

Matayo 19:20

Omwisuka yaamukoba ati: “Bino byonabyona nabigema. Kiki kye nkaabulaku?”

Matayo 19:22

Aye omwisuka olwawulira ekyo, yaaja ng'afootookereire, kuba yali n'ebintu kamaala.

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 4:19

Yaakoba ati: “Munnonereze, ndidha kubafuula abavubi ab'abantu.”

Matayo 5:48

Kale ni, imwe mubenga batukuvu nga Iseimwe ow'omu igulu bw'ali omutukuvu.

Matayo 8:22

Aye Yesu yaamukoba ati: “Nnonereza, leka abafu baziike abafu baibwe.”

Matayo 9:9

Agho Yesu bwe yali ng'atambula, ng'ava eyo, yaabona omuntu ng'atyaime ghe bawooleza, nga bamweta Matayo, era yaamukoba ati: “Nnonereza.” Yaasituka yaamunonereza.

Mariko 10:21

Yesu yaamwekalirisa yaamwesiimisa, era yaamukoba ati: “Kirala ky'okaabulwaku! Ja otunde by'oli nabyo byonabyona, oghe abaavu, eby'obukombe oliba nabyo mu igulu oidhe obitenga ninze.”

Mariko 2:14

Era bwe yali ng'atambula yaabona Levi mutabane wa Alufaayo ng'atyaime agho ghe baawoolezanga omusolo yaamukoba ati: “Nnonereza!” Agho yeena yaasituka yaamunonereza.

Mariko 8:34

Agho yaayeta ekiyindi eky'abantu n'Abeegeresebwa be baaseeta gh'ali, yaabakoba ati: “Ole ayenda okuunonereza, alobe kwefaaku naire, abbeede omusalaba gwe, annonereze

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 14:33

Kale ni, buli muntu ku imwe atayenda kuleka by'ali nabyo byonabyona, tasobola kuba mwegeresebwa wange.

Luka 16:9

“Era ka mbakobere: Mwefunire emikwano mu bukombe buno obw'ensi, kuba ni bwe buliwaagho, balibasangaalira mu bulamu obw'ebyanda n'ebyanda.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Luka 5:27

Ebyo olwawa, yaavaagho yaaja, yaabona omughooza ow'omusolo ng'eriina lye ni Levi, ng'atyaime agho ghe bawooleza, yaamukoba ati: “Nnonereza.”

Luka 6:40

Ayegeresebwa tasinga amwegeresa, aye kiisi ayegeresebwa bw'aba amaze okwegeresebwa mu bwidhuvu, aba ng'oyo amwegereisa.

Luka 9:23

Agho ni yaabakoba boonaboona ati: “Oba nga ghaligho ayenda okuba Omwegeresebwa wange, alobe kwefaaku naire, abbeede omusalaba gwe buli lunaku annonereze

Yoanne 10:27

Entaama dhange dhiwulira amamiro gange, ndiidhi era dhiinonereza.

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Ebikolwa by'Abatume 2:45

Baatundanga eitaka n'ebyaibwe, ebyavangamu baabigabananga boonaboona, nga bajiira ku bwetaavu bwa buli muntu.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.