Matayo 18:24 - Baibuli Ekibono kya Katonda 2014

²⁴ Bwe yatoolera okutereeza embalirira ye, baamuleetera eyali n'eibandha lye lya mutwalo gwa talanta.

Matayo 18:24 ပူးပေါင်းရင်းမြစ်များ

Amainhama 44:10

Yaakoba ati: “Kale kibe kityo nga bwe mukobye. Aye oyo anaayagaanibwa nakyo, n'anaaba omwiru wange imwe abandi timuubeeku musango.”

1 Ebyomubyanda 29:7

Edho ni kilo ng'oti kinaana na itaanu (85), kuba “dariki” olw'omulimo gw'eisinzizo: talanta enkumi itaanu (5,000) edha zaabu, n'ebidhegedhege ebya zaabu ebyetebwa dariki omutwalo mulala (10,000), n'ebindi ebya feeza omutwalo mulala (10,000) ni talanta omutwalo mulala na kanaana (18,000) edh'ekyuma eky'ekikomo ni talanta emitwalo ikumi (100,000) edh'ekyuma ekigumu einho.

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Zabbuli 38:4

Ebibi byange byebunze emungo ensinga n'obuleeyi, era bizitogha inho tisobola na kubibbeeda.

Zabbuli 40:12

Ebizibu kamaala bineezungulwire, tibibalika na kubalika. Ebibi byange bimbitiriireku obungi, buti tibinganha na kubona. Obungi bwabyo businga enviiri edhiri ku mutwe gwange, n'amaani gampoiremu.

Matayo 18:23

Obwakyabazinga obw'omu igulu kyebuva bufaananizibwa ku kyabazinga eyayenda okugondhoola n'abagheereza be ebigema ku bintu bye, bye baali nabyo.

Matayo 18:25

Aye olw'okuba yali nga tasobola kulisasula, musengwa we n'okulagira bamutane, ni mukazi we, n'abaana, n'ebintu bye byonabyona bye yali nabyo, eibandha lisasulwe.

Matayo 25:15

Mulala yamugha talanta itaanu, owundi ibiri, n'owundi ndala, ng'ajiira ku busobozi bwaibwe, yaaja.

Matayo 25:16

Eyafuna talanta eitaanu yaja mangu ago yaadhisuubuza, yaazaazaamu talanta edhindi itaanu.

Matayo 25:20

Eyafuna talanta eitaanu yaaseeta ni talanta edhindi itaanu yaakoba ati, ‘Musengwa, wampa talanta itaanu aye bona nazaazaamu talanta edhindi itaanu.’

Matayo 25:22

“N'oyo eyafuna talanta eibiri yaaseeta, yaakoba ati, ‘Musengwa, wampa talanta ibiri aye bona, nazaazaamu talanta edhindi ibiri.’

Matayo 25:24

“Era n'oyo eyafuna talanta endala yaaseeta, yaakoba ati, ‘Musengwa, namanha ng'oli muntu mukalangufu, okungula by'otaasimba, ate waasololeza y'otaasigira.

Luka 13:4

“Oba abo eikumi n'omunaana, omunaala ogw'e Siloamu be gwagwaku ni gubaita. Mulowooza muti baali boonooni okusinga abantu boonaboona abaabanga mu Yerusalemu?

Luka 16:5

“Agho yaayeta buli muntu musengwa we ye yali abandha. Yaakoba eyasooka ati, ‘Musengwa wange akubandha ki?’

Luka 16:7

Agho yaakoba owundi ati, ‘Ate iwe eibandha lyo lyaga gha?’ Yaamukoba ati, ‘Ensawo kikumi (100) edh'engaano.’ Yaamukoba ati, ‘Gema ekighandiiko kyo oghandiike kinaana (80).’