Matayo 18:15 - Baibuli Ekibono kya Katonda 2014

¹⁵ “Muganda wo bw'akukola ekibi, ja omunenie nga muli bwa babiri mwenka. Bw'akuwulirisa, ng'olwo muganda wo oyo omuwoniiza.

Matayo 18:15 ပူးပေါင်းရင်းမြစ်များ

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Ensambo 11:30

Omuntu omutuufu by'akola bireeta obulamu, aye omuntu akola eby'obukambwe azikiriza obulamu.

Abalevi 19:17

“Otakyaghanga muntu yeenayeena n'omwegemerera, aye omunenianga byaweera agho, olobe kugwa mu kibi olw'oyo.

Matayo 18:14

Atyo ni, ni Lata waimwe ali mu igulu tayenda waire mulala ku bato bano azikirire.

Matayo 18:21

Agho Petero yaaseeta yaamukoba ati: “Musengwa, muganda wange ng'ankoze ekibi nnaamusonighanga kutuusa li? Okutuusa ku mikuzi musanvu?”

Matayo 18:35

Atyo ni, Lata wange ali mu igulu bw'alibakola, okutoolaku nga buli muntu asonigha muganda we mu mwoyo gwe.”

Ab'e Roma 12:21

Ekibi kitakughangulanga, aye iwe kighangulenga ng'okola ebikalamu.

1 Ab'e Korintho 8:12

Kale bwe mukola ekibi ku boluganda ni mukosa emyoyo gyaibwe eminafu, muba mukoze ekibi ku Kurisito.

2 Ab'e Korintho 7:12

Kale waire nabaghandiikira embaluwa eyo, tyakikola lw'oyo eyakola ekibi oba lw'oyo eyakolwaku ekibi, aye nagighandiika okwoleka mu maiso ga Katonda nga mutulumirwa.

Ab'e Galatia 6:1

Aboluganda, omuntu yeenayeena bw'ayagaanibwa ng'akoze ekisobyo kyonakyona, abo abafugibwa Mwoyo mu imwe mugwaine okumugoloza, aye nga timukozesa bukambwe. Aye mwekuumenga mwena mulobe kukemebwa.

Ab'e Kolosai 3:13

Mutabanga ba ikabyo, buli muntu asonighe mwine bweghabaagho asobiiza. Musonighe oti ni Musengwa bwe yabasonigha.

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

2 Ab'e Thessalonika 3:15

Mutamutwala ng'omuzigu aye mumulabule nga muganda waimwe.

Tito 3:10

Oyo aleetera abantu okwekutulakutulamu, mulabulenga omukuzi mulala oba ebiri, omwesambe.

1 Petero 3:1

Mu nsambo n'endala, abakazi muwulirenga baibaimwe. Olwo, abandi ku abo waire mperaano tibaikiriza kibono, basobole okuleetebwa mu kwikiriza olw'empisa dhaimwe enkalamu nga ghazira ni kye mubakobyeku.