Matayo 18:12 - Baibuli Ekibono kya Katonda 2014

¹² “Imwe mukibona mutya? Omuntu bw'aba n'entaama dhe ekikumi, memale endala n'ebula, taleka kyenda na mwenda eyo ku nsozi, n'aja n'ayagala eyo ebuze?

Matayo 18:12 ပူးပေါင်းရင်းမြစ်များ

1 Bakyabazinga 21:17

Agho Musengwa Katonda yaakoba Eliya Omutishubi ati:

Zabbuli 119:176

Nadaaliima ng'oti n'entaama eyabula, nkusaba onnoonie ye ndi kuba tyerabiranga biragiro byo.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Yeremia 50:6

“Abantu bange bali ng'oti n'entaama abaayi dhe balese ni dhibulira eyo mu nsozi. Batambulatambula eyo batyo nga bava ku lusozi luno baaja ku lule, baatuuka n'okwerabira amaka gaibwe.

Ezekieli 34:12

Ng'omwayi bw'ayagaaza buli ghantu, nga ghaligho edhindi ku ntaama dhe edhisansaine, zeena ntyo bwe ndyagaaza woonawoona okuzuula entaama dhange ye dhiri. Ndidhitoola eyo yoonayoona ye dhaasansaanira ku lunaku olwo olw'ebire ebyereere ku igulu n'enzikiiza agemye bedimudimu!

Ezekieli 34:16

Ndinoonia edhibuze, naiza edhitambuliratambulira eyo dhityo, edhimenheike naadhisibaku ekintu dhaayunga, n'enafu naadhiizaamu amaani. Era edho edhaageedha edh'amaani ndidhirabirira, kuba nze ndi mwayi akolera ku mazima.

Ezekieli 34:28

Amaghanga agandi galiba nga tigakaabatuntuza, waire ensolo edh'omu nsiko mu nsi eyo okubakankamira. Baliba mu miraala nga ghazira kintu kyonakyona kibatiisa naire.

Ezekieli 34:4

Enafu timudhirabirira kudhiizaamu maani, endwaire timudhiwonia, edhimenheike timudhisibaku kintu ni dhiyunga, edhitambulatambula eyo dhityo timudhiiza mu kisibo, n'edhibula timudhinoonia. Aye mudhitwala bya ntaka na bukambwe.

Ezekieli 34:6

Entaama dhange edho dhaaja nga dhitambulatambula eyo dhityo, ku nsozi enene ni ku busozi obutono. Dhaasansaanira mu nsi yoonayoona aghazira adhinonerezaaku oba adhinooniaku.

Matayo 12:11

Yesu yaabakoba ati: “Naani ku imwe aba n'entaama ye, n'egwa mu kiina ku Sabbato, aloba okugigema n'agitoolamu?

Matayo 18:13

Era bw'agizuula, bwenebwene ka mbakobere: Asagamba inho olw'eyo okusinga olwa dhire ekyenda n'omwenda edhitaabula.

Matayo 21:28

“Kale mudhuuba mutya ku kino? Ghaaligho omusaadha ng'ali n'abaana be babiri. Yaaja y'asooka yaamukoba ati, ‘Mwana wange, ja olwaleero okole mu isamba ery'emizabbibu.’

Matayo 22:42

ati: “Mudhuuba mutya ku Kurisito? Mwana w'ani?” Baamukoba bati: “Wa Daudi.”

1 Ab'e Korintho 10:15

Ndi kwogera n'imwe ng'ayogera n'abantu abategeera, mwesaliregho beene ku bye ndi kwogera.

1 Petero 2:25

Mwali ng'oti n'entaama edhibuze, aye mperaano mwiziibwa y'Omwayi era Omukuumi w'emyoyo gyaimwe.