Matayo 17:6 - Baibuli Ekibono kya Katonda 2014

⁶ Abeegeresebwa olwawulira ekyo, baatya inho, era beeyala ghansi nga beefundiike.

Matayo 17:6 ပူးပေါင်းရင်းမြစ်များ

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

Ezekieli 3:23

Kale naasitukiramu, naaja mu kiketezo eky'oku museetwe. Bwe natuukayo naja okulinga nti, nga mbona ekitiisa kya Musengwa Katonda, ng'oti ni bwe nakibona nga ndi kumpi n'omwiga Kebari. Agho naakuba amakiryaivu naakutama n'obweni bwatuuka ku itaka.

Ezekieli 43:3

Okubonekerwa okwo kwali ng'oti ni kwe nabonekerwa Katonda oyo lwe yaidha okuzikiriza ekibuga Yerusalemu. Era ng'oti ni kwe nabonekerwa nga ndi ku mwiga Kebari. Agho naakuba amakiryaivu era naakutama n'ekyeni kyatuuka ku itaka.

Danieli 8:17

Kale Gaburieli yaaseeta ghe nali nhemereire. Bwe yaidha naatya inho, naakuba amakiryaivu era naakutama n'ekyeni kyatuuka ku itaka. Yankoba ati: “Iwe omuntu obuntu, tegeera ng'okubonekerwa okwo kugema ku biseera bya nkomerero ya nsi.”

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 17:7

Aye Yesu yaaseeta yaabagemaku, yaakoba ati: “Musituke, muleke kutya.”

Ebikolwa by'Abatume 22:7

Naagwa ghansi era naawulira eiroboozi erinkoba liti, ‘Saulo, Saulo, lwaki onkiriga.’

Ebikolwa by'Abatume 26:14

Twenatwena twagwa ghansi era naawulira eiroboozi eryankoba mu lulimi Oluheburayi liti: ‘Saulo, Saulo! Lwaki onkiriga? Niiwe oweerumya mwene okusamba ekiti ekisongovu.’

2 Petero 1:18

Twawulira eiroboozi eryo nga liva mu igulu kuba twali naye ku lusozi olutukuvu.

Abalamuzi 13:20

Enimi edh'omuliro bwe dhaava ku alutaari, ni dhitumbukira ghaigulu, malaika wa Musengwa Katonda yaajiira mu nnimi edho ghaigulu, nga Manoa ni mukazi we babona. Agho Manoa ni mukazi we baakuba amakiryaivu, baakutama n'ebyeni byatuuka ku itaka.

Abalamuzi 13:22

Manoa yaakoba mukazi we ati: “Bwenebwene twidha kufa, kuba tuboine Katonda!”