Matayo 17:5 - Baibuli Ekibono kya Katonda 2014

⁵ Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 17:5 ပူးပေါင်းရင်းမြစ်များ

Yobu 38:1

Agho Musengwa Katonda ng'ali mu kiwunga ow'amaani, yairamu Yobu ng'akoba ati:

Zabbuli 81:7

Bwe mwali mu buzibu mwansaba, era naabawonia, naabairamu nga neegisiisa mu kire eky'amaadhi n'olukuba, naabaleba nga muli ku maadhi ag'e Meriba.

Okuvaayo 19:19

Okuvuga okw'endeka bwe kwaja nga kweyongera einho, Musa yaayogera era Katonda yaamwiramu mu mamiro agali ng'oti kutyabuka kwa lukuba.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 42:21

Musengwa Katonda olw'okuba yayenda okulokola abantu, yasalagho okugulumiza amateeka ge, abantu bagatengamu ekitiisa.

Matayo 12:18

“Ono n'omugheereza wange ye nalonda omugonzi, omwoyo gwange mwe gusagambira. Ndidha kumutaamu Mwoyo wange, akobere amaghanga eby'amazima.

Matayo 17:6

Abeegeresebwa olwawulira ekyo, baatya inho, era beeyala ghansi nga beefundiike.

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Mariko 1:11

Era n'eiroboozi lyawulikika okuva mu igulu nga likoba liti: “Niiwe mutabane wange omugonzi, nkwesiimiramu inho.”

Mariko 9:7

Agho ekireri kyavaayo kyabakingiriza, era eiroboozi lyava mu kireri liti: “Ono ni mutabane wange omugonzi, mumuwulirenga.”

Luka 3:22

Mwoyo Mutukuvu yaika ng'afaanana oti njiibwa yaamwikaku, ate eiroboozi lyaidha okuva mu igulu lyakoba liti: “Niiwe mutabane wange omugonzi, nkwesiimiramu inho.”

Yoanne 3:16

Atyo Katonda bwe yagonza abantu ab'oku nsi, yaaghaayo Omwana we omulala bedengedenge kiisi amwikiriza alobe kuzikirira aye afune obulamu obutawaagho.

Yoanne 3:35

Lata w'Omwana amugonza era yata ebintu byonabyona mu buyinza bwe.

Yoanne 5:37

Ate era ni Lata mwene eyantuma, oyo yeena andhulira. Imwe timuwulirangaku bw'ayogera, waire okumubona bw'afaanana.

Ebikolwa by'Abatume 1:9

Bwe yamala okwogera ebyo, yaatwalibwa mu igulu nga balingiriire, era ekire kyamutwala okutuusa lwe baalekera okumubona.

Ebikolwa by'Abatume 7:37

Musa ono n'eyakoba Abaisiraeli ati: ‘Katonda aidha kubatumira omulanzi okuva mu imwe beene, nga nze bwe yantuma.’

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Amateeka Agokubiri 18:15

Aye aidha kubasindikira omulanzi okuva mu ighanga lyaimwe, ali ng'oti ninze. Oyo ye munaawuliranga.

Amateeka Agokubiri 18:19

Era kiisi ataatengayo mwoyo ku bibono byange omulanzi oyo by'anaayogeranga mu liina lyange, ndidha kumuvunaananga.

Amateeka Agokubiri 5:22

“Ago n'amateeka Musengwa Katonda ge yabagha mwenamwena nga mwesoloiza ku lusozi. Yagabagha ng'ayogera mu mamiro ag'amaani, ng'ali mu muliro ghagati mu kire ekigemye enzikiiza, era tiyayongeraku bindi. Yagaghandiika ku bibaadho bibiri eby'amabaale, yaabimpa.”

Ab'e Kolosai 1:13

Yatutoola mu bufuge obw'ekizikiiza yaatwiza mu Bwakyabazinga obw'Omwana we omugonzi.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.

Okwolekebwa 14:14

Agho naabona ekire ekyeru, era nga ku kire okwo kutyaimeku afaanana ng'oti mwana wa muntu. Ng'ali n'engule ya zaabu ku mutwe, n'omuwolo omwogi mu ngalo.