Matayo 17:27 - Baibuli Ekibono kya Katonda 2014

²⁷ Aye obutabanhiiza ja osuule eirobo mu nhandha, era ekyenhandha ky'onaagemya okusooka okitoole okyasamye omunwa. Oidha kwagaanamu empiiya ndala ogitoole ogibaghe, weesasulire era osasulire ninze.”

Matayo 17:27 ပူးပေါင်းရင်းမြစ်များ

Amainhama 1:28

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

1 Bakyabazinga 17:4

Mu kaiga ako mw'oidha okutoolanga amaadhi ag'okunhwa, era ndagiire amakoova gakuleeterenga eby'okulya.”

Zabbuli 8:8

enhonhi, n'ebyenhandha, ni byonabyona ebyagaanibwa mu maadhi.

Yona 1:17

Aye Musengwa Katonda yaataagho ekyenhandha ekikologho kyamira Yona, yaaba munda omw'ekyenhandha ekyo okumala enaku isatu, omusana n'obwire.

Yona 2:10

Agho Musengwa Katonda yaalagira ekyenhandha kyasesema Yona ku bukalu.

Matayo 17:26

Yaakoba ati: “Ku basenze.” Yesu yaamukoba ati: “Ekikoba abataka ba idembe obutagha.

Matayo 18:6

“Aye aleetera omulala ku bato bano abandhikiriza okwona, oyo ekyandiwuze n'okusibibwa olubengo mu nkoto n'asuulibwa mu nhandha ghagati.

Matayo 18:8

“Omukono gwo, oba ekigere kyo bwe kiba kikusendasenda okwona, kitemeku okisuule ghala omala gaba na mukono mulala oba kigere kirala, waafuna obulamu, otasuuliibwa mu muliro ogutazikira ng'oli n'emikono ebiri oba n'ebigere bibiri.

Matayo 5:29

Kale oba nga eriiso lyo ery'oku mukono omusaadha likusuula mu kibi, litoolemu olisuule ekisingaku n'ekitundu ekirala ku iwe okuzikirira aye omubiri gwo gwonagwona gwaloba kusuulibwa mu geyeena.

Matayo 5:30

Oba nga omukono gwo omusaadha gukusuula mu kibi, gutemeku ogusuule kuba kisinga, ekitundu ekirala ku iwe okuzikirira aye omubiri gwo gwonagwona gwaloba kuja mu geyeena.

Mariko 9:42

“Oyo yeenayeena aleetera omulala ku bato bano abandhikiriza okukola ekibi, ekyandiwuze, oyo n'okusibibwa olubengo olunene mu nkoto n'asuulibwa mu nhandha.

Mariko 9:43

Era omukono gwo bwe guba gukusendasenda okwona, gutemeku kasinga ofune obulamu ng'oli n'omukono mulala, okusinga okuba n'emikono ebiri waaja mu geyeena, mu muliro ogutazikira. [

Luka 17:2

Oyo kyandimubeereire kikalamu ngoli asibibwa olubengo olunene mu nkoto n'asuulibwa mu nhandha, okusinga okuleetera ni bw'aba omulala ku bato bano okugwa mu kibi.

Yoanne 6:61

Yesu yaakitegeera mule ng'Abeegeresebwa bwe bali kuduuduuma olwa kino. Agho yaabakoba ati: “Kino kibamazeemu amaani?

Ab'e Roma 14:21

Kituufu obutalyanga mamba oba obutanhwanga omwenge ogw'emizabbibu, oba obutakolanga ekintu kyonakyona ekireetera owoluganda okugwa mu kibi.

1 Ab'e Korintho 8:13

Kale oba nga eby'okulya bireetera muganda wange okugwa mu kibi, tiireyo kubirya ndobe kuleetera muganda wange kugwa.

1 Ab'e Korintho 8:9

Aye mwegendereze eidembe lino lirobe kusuula banafu mu kibi.

2 Ab'e Korintho 6:3

Titwenda kuta kitimuguunha mu ngira ya muntu yeenayeena, olwo ghalobe kubaagho muntu ayagaana kisobu mu mulimo gwaife.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

1 Ab'e Thessalonika 5:22

aye mulobenga kukola kibi kyonakyona.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.