Matayo 17:20 - Baibuli Ekibono kya Katonda 2014

²⁰ Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Matayo 17:20 ပူးပေါင်းရင်းမြစ်များ

Matayo 13:31

Yaabakobera olufumo olundi ati: “Obwakyabazinga obw'omu igulu bufaanana ng'oti n'akamuuma ka kaladaali, omuntu ke yatoola n'asiga mu nimiro ye.

Matayo 14:29

Yesu yaamukoba ati: “Idha.” Agho Petero yaava mu lyato, ng'atambulira ku maadhi okuja eri Yesu.

Matayo 17:17

Yesu yaakoba ati: “Yii, oluse luno oluzira kwikiriza, era olw'abantu abadankaanu! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Matayo 17:19

Agho Abeegeresebwa baidha ye Yesu nga bali bonka baakoba bati: “Lwaki ife titwasobola kugubinga?”

Matayo 17:9

Bwe baali baikirira ku lusozi Yesu yaabasikirira, yaakoba ati: “Ghatabaagho ye mukobera ku kye muboine okutuusa ng'Omwana w'Omuntu amaze okuzuukira mu bafu.”

Matayo 21:21

Yesu yaabairamu ati: “Bwenebwene ka mbakobere, bwe muba n'okwikiriza, nga timubuusabuusa, timulikola ekyo ekikoleibwa ku mutiini kyonka, aye ni bwe mulikoba olusozi luno muti, ‘Va ghano weesuule mu nhandha,’ kityo bwe kiriba.

Matayo 8:26

Yesu yaabakoba ati: “Lwaki mutiire, imwe ab'okwikiriza okutono!” Yaasituka, yaakaabukira kiwunga n'enhandha, era kyaba mulaala inho.

Mariko 11:22

Yesu yaabairamu ng'akoba ati: “Mubenga n'okwikiriza mu Katonda.

Mariko 11:23

Bwenebwene mbakobera, buli alikoba olusozi nga luno ati, ‘Va ghano weesuule mu nhandha’, nga tabuusabuusa mu mwoyo gwe, aye ng'aikiriza ati ky'akobye kya kubaagho, ekyo kirimukolerwa.

Mariko 4:31

Oba tunaabugeza ku ki? Buli ng'akamuuma ka kaladaali bwe kasimbibwa mu itaka, katonioli okusinga emuuma dhoonadhoona edhiri mu nsi.

Mariko 9:23

Yesu yaamukoba ati: “Waakoba oti oba nsobola! Byonabyona bisoboka y'oyo aikiriza.”

Luka 1:37

kuba mpaagho kirema Katonda.”

Luka 17:6

Musengwa yaabakoba ati: “Nguli mulikuuku n'okwikiriza okwaga n'akamuuma ka kaladaali, mwandisoboire okukoba omuti ogw'enkenene guno muti, ‘Va ghano weesimbe mu nhandha’ gwabawulira.

Luka 18:27

Aye Yesu yaabairamu ati: “Ebitasoboka mu bantu, Katonda abisobola.”

Yoanne 11:40

Yesu yaamukoba ati: “Tyakukobeire nti wandiboine ekitiisa kya Katonda nguli oikiriza?”

1 Ab'e Korintho 12:9

Mwoyo n'omulala agha owundi okwikiriza, ate owundi n'amugha amaani ag'okuwonia.

1 Ab'e Korintho 13:2

Era ni bwe mba n'amaani ag'obulanzi, ni ntegeera ebyama bya Katonda byonabyona, era ni mmanha ebintu byonabyona, era ni bwe mba n'okwikiriza okusobola okusimulagho ensozi, aye ni mba nga tigonza bantu banange, tiba na muganhulo.

Abaheburayi 3:19

Kale tubona nga baalemwa okutuuka lwa butaikiriza bwaibwe.