Matayo 16:18 - Baibuli Ekibono kya Katonda 2014

¹⁸ Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Matayo 16:18 ပူးပေါင်းရင်းမြစ်များ

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

2 Samueli 18:4

Kyabazinga Daudi yaabakoba ati: “Ndidha kukola kyonakyona kye mubona nga n'ekisinga byonabyona obukalamu.” Kale yaayemerera ku mbali kw'omulyango ogw'ekibuga, eigye lyonalyona lyafuluma nga liri mu bikunsu eby'abantu ekikumi ekikumi n'eby'abantu olukumi olukumi.

Yobu 38:17

Ghaligho eyaali akwoleikeku emiryango gy'e magombe, egingira mu nzikiiza aghakuumirwa abaafa?

Zabbuli 107:18

Ku mwoyo nga kwabasemba, nga ghazira mere ebawoomera. Kumpi bafe!

Zabbuli 127:5

Yeesiimye oyo ali n'ekiruutu kye ekiidhwire obulaso obwo, kuba abazigu be tibaja kumusinga ng'ali mu kifo aghasalirwa ensonga.

Zabbuli 129:2

“Okuva mu buto bwange abazigu bange babaire bandaazadaaza inho, aye baalemwa okumpangula.

Zabbuli 69:12

Nafuuka kya kughayaku eri abo abatyama mu kifo ky'olwekobaano, ku mulyango ogwingira mu kibuga, n'abatamiivu bandhiiyaamu enhembo.

Zabbuli 9:13

Wo Musengwa Katonda, nkusaba ondhune! Bona bwe ndaazibwadaazibwa abazigu! Ntoola mu ngalo dha walumbe

Ensambo 24:7

Amagezi gaswikiriire inho okutegeera okw'omusiru, era azira ky'ayogera nga bali mu kifo eky'olwekobaano.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 28:6

Aligha abalamuzi omwoyo ogw'okukolanga amazima, era yaagha abaisirukale amaani okukuumanga emiryango gy'ekibuga, okukiwonia okulumbwa abazigu.

Isaia 38:10

“Nali nkoba nti nja kufiira mu maani ghagati, nje bansibire e magombe nga nkaali kumalayo myaka gya bulamu bwange.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Yona 2:6

Nagwa eyo ensozi ye dhisimuka, endhigi ye dhiigalwa ni dhitaigulwa ebyanda n'ebyanda. Aye iwe Musengwa Katonda wange wantoolayo nga ndi mulamu.

Matayo 10:2

Amaina ag'Abatume eikumi n'Ababiri ni gano: asooka ni Simoni ayetebwa Petero, ni Anderea muganda we, ni Yakobo mutabane wa Zebedaayo ghalala ni Yoanne muganda we.

Matayo 11:23

Ate imwe abantu be Kaperinaumu, koodhi mwegulumiza kwenda kutuuka bwa mu igulu? Mwidha kwisibwa bwa mu magombe kuba nguli ebyewuunhio ebyabaagho mu imwe byali kubaagho mu Sodoma, nguli kikaaligho n'okutuusa olwaleero.

Matayo 18:17

Aye bw'aloba okuwulirisa abo, olwo ni ng'okobera Ekikunsu eky'Abaikiriza mu Kurisito. Bw'aloba okuwulirisa n'Ekikunsu eky'Abaikiriza, ng'olwo ni mumubisa ng'azira kwikiriza era ng'omughooza w'omusolo.

Matayo 4:18

Yesu yali ng'atambula ku mbali okw'enhandha ey'e Galilaaya, yaabona aboluganda babiri: Simoni ayetebwa Petero ni Anderea muganda we, nga bali kutega akatimba mu nhandha kuba baali bavubi.

Matayo 7:24

“Kale buli awulira ebibono byange bino n'abijiiraku afaanana ng'omusaadha omugezigezi eyazimba endhu ye ku lubaale:

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Ebikolwa by'Abatume 2:47

nga basaaka Katonda, era abantu boonaboona nga babenda. Buli lunaku, Musengwa yaaja ng'abongeraku abaalokolwanga.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Ebikolwa by'Abatume 8:1

Saulo yaaganha Sitefano aitibwe. Mu kiseera ekyo Ekikunsu ky'Abaikiriza mu Kurisito, mu Yerusalemu, kyakirigibwa inho. Boonaboona, okutoolaku Abatume, baasansaanira mu biketezo eby'e Buyudaaya ni Samaria.

1 Ab'e Korintho 15:55

Iwe kufa obughanguzi bwo buli gha? Iwe kufa okulumya kwo kuli gha?”

Ab'e Galatia 2:9

Yakobo, Petero ni Yoanne, abaabonekanga okuba nga n'abakulembeze, baakibona nga Katonda yangemya omulimo omukulu guno. Kale baatugema mu ngalo, nze ni Barunaba, ng'akamanhiso akooleka nga tuli bakozi banaibwe ku mulimo n'omulala. Era twaisania ife tuje mu bamaghanga agandi, ate beene baje mu bakekete.

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

Ab'Efeso 5:32

Ekyama kino kikulu, era nze nkoba nti kyogera ku Kurisito n'Ekikunsu eky'Abaikiriza mu Kurisito.

Ab'e Kolosai 1:18

Oyo n'omutwe ate Ekikunsu ky'Abaikiriza mu Kurisito n'omubiri gwe, oyo n'entoolerezo era n'omwigula nda mu kuzuukira memale abe emberi wa byonabyona.

1 Timotheo 3:15

Aye bwenaaba nga ndwire, bino binaakumanhisa bwetugwaine okwebisa nga bwe tuli abantu ba Katonda, ekyo nga n'Ekikunsu eky'Abaikiriza mu Kurisito ekya Katonda omulamu, era ng'ekyo n'empango n'omusingi ogw'amazima.

1 Timotheo 3:5

Kuba omuntu ataghanga kufuga maka ge, asobola atya okulabirira Ekikunsu eky'Abaikiriza mu Kurisito ekya Katonda?

Abaheburayi 12:28

Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 21:14

Ekimante ekyo eky'ekibuga kyali kyemereire ku mabaale ikumi n'abiri ag'omusingi, ku kiisi ibaale nga kuliku eriina ery'omulala ku batume eikumi n'ababiri ab'Entaama Ento.