Matayo 16:17 - Baibuli Ekibono kya Katonda 2014

¹⁷ Yesu yaamukoba ati: “Simoni mutabane wa Yona, oli wa nkabi, kuba ti muntu buntu eyakubwikulira ekyo, aye Lata wange ow'omu igulu.

Matayo 16:17 ပူးပေါင်းရင်းမြစ်များ

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Luka 22:32

Aye nze nkusabiire okwikiriza kwo kulobe kukendeera, era bw'okyukanga ogumyanga baganda bo.”

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

1 Ab'e Korintho 15:50

Aboluganda, kye nkoba ni kino omubiri obubiri n'omusaayi obusaayi tibisobola kugheebwa mugabo mu Bwakyabazinga bwa Katonda, n'ekifa tikighanga kugheebwa butafa.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'Efeso 2:8

Mwalokolebwa lwa kisa kya Katonda mu kwikiriza tikyava mu maani gaimwe, aye kyali kirabo kya Katonda.

Ab'Efeso 3:5

Mu byanda eby'eira ghazira muntu yeenayeena eyamanhisibwaku ku kino mu nsambo oti n'eno Mwoyo y'akyolekamu Abatume be n'abalanzi be abatukuvu.

Ab'Efeso 6:12

kuba tituli kulwana na bantu buntu aye tuli kulwana n'emizimu emibi egy'omu ibbanga kamaala. Tuli kulwana n'abafuzi n'ab'obukumu, n'emisambwa egy'omu luse luno olw'ekizikiiza.

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

1 Petero 5:1

Nhenda okukubiriza abo abakulembeze b'abaikiriza abali mu imwe. Zeena nga bwendi mukulembeze munaibwe eyaboneraku irala okudaazibwadaazibwa kwa Kurisito, era aja okugabana ku kitiisa ekija okwolekebwa, mbakubiriza

1 Yoanne 4:15

Kiisi akoba ati Yesu Mwana wa Katonda, Katonda amubaamu era yeena yaaba mu Katonda.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.