Matayo 15:8 - Baibuli Ekibono kya Katonda 2014

⁸ ‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Matayo 15:8 ပူးပေါင်းရင်းမြစ်များ

Ensambo 23:26

Mwana wange, tanga omwoyo ku bye nkukoba, era otwale obulamu bwange ng'eky'okuboneraku.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Yeremia 12:2

Oja waabasimba ng'oti bisimbe baasimba emizi. Baakula baatuuka okubala ebibala. Buliidho baakwogerangaku bukalamu, waire nga bwenebwene tibakufaaku.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Matayo 15:7

Bakuusa imwe! Isaia bye yalanga ku imwe bituufu inho, bwe yakoba ati,

Mariko 7:6

Yesu yaabakoba ati: “Bakuusa imwe, Isaia yalanga bukalamu ku imwe nga bwe kyaghandiikibwa kiti, ‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Ebikolwa by'Abatume 8:21

Tosobola kwetaba waire okugabana ku kino, kuba omwoyo gwo tiimutuufu mu maiso ga Katonda.

Abaheburayi 3:12

Kale aboluganda, mwegendereze ghalobe kubaagho naire mulala ku imwe aba na mwoyo mubi era ogutaikiriza, n'ava ku Katonda omulamu.

1 Petero 3:10

Kuba ebyaghandiikibwa bikoba biti: “Kiisi ayenda okufuna obulamu, n'okuba obukalamu, akuume olulimi lwe lulobe kwogera bibi, n'omunwa gwe gulobe kwogera bya buguya.