Matayo 15:28 - Baibuli Ekibono kya Katonda 2014

²⁸ Agho Yesu yaamukoba ati: “Mukazi iwe okwikiriza kwo kunene! Kikukolerwe nga bw'oyenda.” Era okuva ku saawa eyo omughala yaawona.

Matayo 15:28 ပူးပေါင်းရင်းမြစ်များ

Yobu 13:15

Bona, oba Katonda andhita, andhite, kiki kye nkaasuubirayo? Aye ndidha kwewozaaku mu maiso ge.

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Zabbuli 145:19

Abo boonaboona abamutya awulira okulira kwaibwe yaabawonia, era yaabagha bye benda.

Okulira 3:32

Waire asobola okuleetera omuntu okudaagadaaga, aye olw'okugonza kwe okungi okutakoma, amala yaamugemerwa ekivunika;

Matayo 14:31

Era Yesu yaagolola mangu omukono yaamugema, era yaamukoba ati: “Okwikiriza kwo nga kutono! Lwaki obuusiizabuusiiza?”

Matayo 15:27

Omukazi yaakoba ati: “N'agh'agho Musengwa aye n'obubwa bulya ku bukunkumuka obumagala okuva ku meeza dha beene bwo.”

Matayo 8:10

Yesu bwe yawulira ebyo, yeewuunhia, era yaakoba abaali bamunonereza, ati: “Bwenebwene ka mbakobere tyagaananga muntu ali na kwikiriza nga kuno mu Isiraeli!

Matayo 8:13

Agho Yesu yaakoba omukulu w'ekikunsu eky'abaisirukale ati: “Ja, kikukolerwe nga bw'oikiriiza.” Era mu saawa yeene eyo, omugheereza yaawona.

Matayo 9:22

Yesu bwe yakyuka yaamubona, yaakoba ati: “Mughala iwe guma omwoyo okwikiriza kwo kukuwoniiza.” Era ku saawa eyo yeene omukazi yaawona.

Mariko 5:34

Agho Yesu yaamukoba ati: “Mwana wange, okwikiriza kwo kukughaire obwibuka, ja bwera era sagaalukira irala.”

Luka 17:5

Abatume baakoba Musengwa bati: “Twongereku okwikiriza.”

Luka 7:50

Aye Yesu yaakoba omukazi ati: “Okwikiriza kwo kukuwoniiza, ja miraala.”

Luka 7:9

Yesu bwe yawulira ebyo yaamwewuunhia era yaakyuka yaakoba eikuukuubira ery'abantu abaali bamunonereza ati: “Ka mbakobere, nighemwakaba mu Isiraeli tyagaananga kwikiriza kwaga agho.”

2 Ab'e Thessalonika 1:3

Aboluganda, tuli n'okusiima Katonda buli kaseera olwa imwe, era nga bwe tugwaine kuba okwikiriza kwaimwe kuli kweyongera inho. Era n'okugonza kiisi mulala ku imwe kw'agonzaamu abandi kwona kweyongera inho.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.