Matayo 15:24 - Baibuli Ekibono kya Katonda 2014

²⁴ Yesu yairamu ati: “Tyatumibwa ghandi okutoolaku eri entaama edhaabula edh'omu ndhu ya Isiraeli.”

Matayo 15:24 ပူးပေါင်းရင်းမြစ်များ

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Ezekieli 34:16

Ndinoonia edhibuze, naiza edhitambuliratambulira eyo dhityo, edhimenheike naadhisibaku ekintu dhaayunga, n'enafu naadhiizaamu amaani. Era edho edhaageedha edh'amaani ndidhirabirira, kuba nze ndi mwayi akolera ku mazima.

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Matayo 15:23

Aye Yesu yaaloba kumwiramu waire kibono. Abeegeresebwa be baaseeta baamweghemba nga bakoba bati: “Musiibule aje kuba ali kutunonereza bw'awowoigana.”

Matayo 18:11

Kuba Omwana w'Omuntu yaidha okuzaawula abazaaye.]

Matayo 9:36

Bwe yabona abantu kamaala batyo, yaabagemerwa ekisa, kuba baali beinhamiire era nga babundaire ng'oti n'entaama edhiziraku mwayi.

Ebikolwa by'Abatume 13:46

Aye Paulo ni Barunaba, baayogera nga bagumu, baakoba bati: “Kibaire kigwaine okusooka okukobera imwe ekibono kya Katonda. Aye nga bwe mukirobye era ni mwesaliragho beene nga bwe mutagwaine kufuna bulamu obutawaagho, kale twidha kubaleka tuje y'abamaghanga agandi

Ab'e Roma 15:8

Ka mbakobere, Kurisito yafuuka omugheereza w'abayudaaya, ayoleke nga Katonda bw'ali omwesigwa, era atuukirize ebisuubizo Katonda bye yasuubiza badhaadha baife,