Matayo 14:20 - Baibuli Ekibono kya Katonda 2014

²⁰ Boonaboona baalya baiguta. Baasoloza ebitundu ebyafiikagho, ebiibo ikumi na bibiri ebiidhuvu.

Matayo 14:20 ပူးပေါင်းရင်းမြစ်များ

Okuvaayo 16:12

“Mpuliire okwemuluguunhia okw'abantu Abaisiraeli. Bakobe oti, ‘Eigulo mwidha kulya mamba, era enkyo mulye emere mwigute, olwo mutegeere nga ninze Musengwa Katonda waimwe.’ ”

Okuvaayo 16:8

Era Musa yaabakoba ati: “Ogw'eigulo Musengwa Katonda aidha kubagha emamba ey'okulya, era enkyo abaghe emere mulye mwigute, kuba Musengwa Katonda oyo awuliire bye mumwemuluguunhiamu. Bwe mwemuluguunhia muba timuli kukoba ife, aye muba muli kukoba Musengwa Katonda, kuba katyo ife niife baani?”

Ensambo 13:25

Abatuufu baba n'emere ebamala, aye ababi baba bayala buli kiseera.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.

Matayo 14:21

Abaalya baali abasaadha ng'oti enkumi itaanu (5,000), nga tobaze bakazi na baana.

Matayo 15:33

Abeegeresebwa be baamukoba bati: “Memale ife tunaafuna gha mu irungu muno emigaati egimala okwigusa abantu abaaga agho?”

Matayo 5:6

Ba nkabi abalumwa endhala n'endiwo ey'okukola ebituufu, kuba baliigusibwa.

Luka 1:53

Yaigusa abayala n'ebirungi, abakombe yaabaleka bwereere.

Luka 9:17

Boonaboona baalya baiguta, era baasoloza ebiibo ikumi na bibiri eby'ebitundu ebyafiikagho.

Yoanne 6:7

Filipo yaamwiramu ati: “Emigaati egy'edinari ebikumi ebibiri (200) tigimala kiisi muntu okulyaku akatono.”