Matayo 14:19 - Baibuli Ekibono kya Katonda 2014

¹⁹ Bwe yamala okulagira abantu okutyama ku busubi, yaatoola emigaati etaanu n'ebyenhandha ebibiri, yaalinga ghaigulu, yaabigha enkabi nga yeebaza Katonda, yaamegulamegulamu emigaati, era yaagigha Abeegeresebwa be, era Abeegeresebwa be baagigabula abantu.

Matayo 14:19 ပူးပေါင်းရင်းမြစ်များ

Matayo 14:18

Yaabakoba ati: “Mubindeetere ghano.”

Mariko 6:39

Agho yaalagira babatyamye mu bikunsu ku busubi.

Mariko 6:41

Agho yaatoola emigaati etaanu n'ebyenhandha ebibiri, yaalinga ghaigulu, yaabigha enkabi nga yeebaza yaamegulamegulamu emigaati yaagha Abeegeresebwa be bagabule abantu. N'ebyenhandha ebibiri yaabigabania mu boonaboona.

Mariko 7:34

yaalinga ghaigulu, yaisa omuuka, yaakoba ati: “Effatha!” Ekitegeeza kiti: “Iguka.”

Luka 22:17

Agho yaagema ekikopo yeeyanza Katonda yaakoba ati: “Mugeme buli muntu anhweku

Luka 22:19

Olwo yaatoola omugaati yeeyanza Katonda, yaagumegulamegulamu, yaabagha ng'akoba ati: “Guno n'omubiri gwange, [ogugheebwayo ku lwaimwe. Kino mukikolanga okundidhukira.”

Luka 24:30

Olwatyama ku kiiwulo yaatoola omugaati, yaagugha enkabi yeeyanza, yaagumegulamegulamu, yaabagha.

Luka 9:14

Ghaaligho abasaadha ng'oti nkumi itaanu (5,000). Yesu yaakoba Abeegeresebwa be ati: “Mubatyamye mu bikunsu bya bantu ng'amakumi ataanu ataanu.”

Luka 9:16

Yaatoola emigaati etaanu n'ebyenhandha ebibiri yalinga ghaigulu mu igulu, yaabigha enkabi yeeyanza, yaabimegulamu yaagha Abeegeresebwa bagabule abantu.

Yoanne 11:41

Baatoolagho eibaale. Yesu yaalinga ghaigulu yaakoba ati: “Nsiimye inho Lata kuba ompuliire.

Yoanne 6:23

Ghaabaagho amaato agaava e Tiberia, gaidha okumpi n'ekifo abantu kamaala ghe baaliira emigaati nga Musengwa amaze okweyanza.

Ebikolwa by'Abatume 27:35

Bwe yamala okwogera atyo, yaatoola omugaati, yeebaza Katonda nga boonaboona babona, yaagumegulamu, yaatoolera okulya.

Ab'e Roma 14:6

Kiisi akuza lunaku, akikola lwa kugheesa Musengwa kitiisa. Kiisi alya kiriibwa kyonakyona, akikola lwa kugheesa Musengwa kitiisa, kuba yeeyanza Katonda olw'emere eyo. Kiisi atakirya, akola atyo lwa kugheesa Musengwa kitiisa, era yeeyanza Katonda.

1 Ab'e Korintho 10:16

Ekikopo ekyo kye twebalizaaku Katonda ti n'okwisa ekirala mu musaayi gwa Kurisito? Era omugaati gwe tumegulamegulamu ti n'okwisa ekirala mu mubiri gwa Kurisito?

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

1 Ab'e Korintho 11:24

era bwe yamala okusiima Katonda, yaagumegulamu era yaakoba ati: “Guno n'omubiri gwange oguligho ku lwaimwe. Mukolenga kino olw'okundidhukiranga.”

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

1 Samueli 9:13

Bwe munaaba nga mwakaingira ekibuga, mwidha kumwagaana ng'akaali kuja kulya mu kifo ekigulumivu eky'okusinzizaamu. Abantu tibaidha kulya ng'akaali kutuuka, kuba n'ali n'okusabira omusengo enkabi, memale olwo abantu abeeteibwa baghange okulya. Kale ni muniineniine, mwidha kumubona mangu.”