Matayo 13:57 - Baibuli Ekibono kya Katonda 2014

⁵⁷ Kale baamuboola. Aye Yesu yaabakoba ati: “Omulanzi azira ye batamutaamu kitiisa, okutoolaku mu kyalo eky'ewaibwe ni mu ndhu ey'ewaibwe.”

Matayo 13:57 ပူးပေါင်းရင်းမြစ်များ

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Isaia 8:14

Ninze ekifo ekitukuvu mwe muliwonera. Aye ab'omu bwakyabazinga bwombi, obwa Isiraeli n'obwa Buyudaaya, nga kw'otaire n'abatyamye b'omu Yerusalemu, ndibafuukira eibaale kwe beekontola n'ekitimuguunha kwe beeguunha ni bagwa, era naabafuukira olutuula olubagemya.

Matayo 11:6

Era wa nkabi atambona ng'ekitimuguunha.”

Matayo 13:58

Era eyo tiyakolayo byewuunhio kamaala kuba tibaikiriza.

Mariko 6:1

Yesu yaava agho, yaaja ewaibwe, n'Abeegeresebwa be baamunonereza.

Mariko 6:14

Agho Herode kyabazinga yaawulira ku Yesu, kuba eriina lye lyali limanhikaine inho era abandi nga bakoba bati: “Yoanne Omubatiza n'azuukiire mu bafu era kyava akola ebyewuunhio”.

Mariko 6:3

Ono ti n'omubaadhi mutabane wa Maria? Ti muganda wa Yakobo, ni Yose, ni Yuda, ni Simoni? Baanhina tituli nabo kuno?” Kale baamuboola.

Mariko 6:4

Yesu yaabakoba ati: “Omulanzi azira ye batamutaamu kitiisa okutoolaku mu kyalo ky'ewaibwe, mu b'enda ye, ni mu b'endhu ye.”

Luka 4:24

Yaakoba ati: “Bwenebwene ka mbakobere ezira mulanzi aikirizibwa ku kyalo kya waibwe.

Luka 7:23

Era wa nkabi atambona nga ekitimuguunha.”

Yoanne 4:44

Kuba Yesu mwene yali amaze okukakasa ati: “Omulanzi tateebwamu kinhagansi mu nsi ya waibwe.”

Yoanne 6:42

Baakoba bati: “Ono ti ni Yesu, mutabane wa Yosefu? Ise n'inhina tubaidhi. Akoba atya mperaano ati, ‘Naika okuva mu igulu?’ ”

Yoanne 6:61

Yesu yaakitegeera mule ng'Abeegeresebwa bwe bali kuduuduuma olwa kino. Agho yaabakoba ati: “Kino kibamazeemu amaani?