Matayo 13:52 - Baibuli Ekibono kya Katonda 2014

⁵² Yaabakoba ati: “Kale ni kiisi Munamateeka ayega mu by'Obwakyabazinga obw'omu igulu afaanana ng'oti n'omuntu mwenemu, atoola mu iterekero lye ebiyaaka n'ebikaire.”

Matayo 13:52 ပူးပေါင်းရင်းမြစ်များ

Ezera 7:10

Ezera yeefubirizanga inho okusoma Amateeka ga Musengwa Katonda, n'okugajiiraku, era n'okusomesa ebiragiro ebigalimu mu Isiraeli.

Ezera 7:21

“Era nze kyabazinga Arutazerizesi ndi kugha ekiragiro abaghanika ab'ebiketezo Siria ni Foenikia, nti Ezera kabona eyasoma n'akuguka mu Mateeka ga Katonda ow'eigulu, bamughenga buli kintu kyonakyona ky'anaasabanga bakimukolerenga, aghazira kwegemya nsonga yoonayoona.

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Ensambo 11:30

Omuntu omutuufu by'akola bireeta obulamu, aye omuntu akola eby'obukambwe azikiriza obulamu.

Ensambo 15:7

Abagezi bye boogera bibunisa okumanha mu bantu, aye abasiru tibakola batyo.

Ensambo 18:4

Omuntu by'ayogera bisobola okubaamu amagezi amangi ng'oti n'amaadhi amaleeyi; era byabaamu amagezi amalungi ng'oti n'ensulo evaamu amaadhi agakuuluula.

Olwembo 7:13

Eyo oidha kuwunhiza akawoowo akava ku bimera ebyetebwa mandurake. Era ebibala byonabyona ebirungi biidha kuba agho ku mulyango gwaife. Omugonzi wange iwe, nkuleeteire ebisanhusa ebiyaaka n'ebikaire.

Matayo 12:35

Omuntu omulungi, ku birungi by'abiika kw'atoola ebirungi, n'omuntu omubi, ku bibi by'abiika kw'atoola ebibi.

Matayo 13:51

“Ebyo byonabyona mubitegeire?” Baamukoba bati: “Yii.”

Matayo 13:53

Yesu bwe yamaliriza enfumo edho, yaava agho,

Matayo 23:34

Kale ndidha kubatumira abalanzi, n'abasaadha abagezi n'abeegeresa abandi mulibaita, mwabakomerera ku misalaba, abandi mulibakuba enkoba mu sinagoga dhaimwe, era mwabakiriga mu buli kibuga.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Luka 11:49

Ni mu Magezi ga Katonda kikoba kiti, ‘Abandi balibakiriga n'abandi balibaita.’

Yoanne 13:34

Mbagha ekiragiro ekiyaaka: Mugonzanienga. Nga nze bwe nabagonza, mwena mugonzanienga mutyo.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

Ab'Efeso 3:4

Bwe munaabisoma munaaghanga okubona nga nze bwe ntegeera ekyama eky'entegeka ya Kurisito.

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Ab'e Kolosai 1:7

Mwakyega okuva ku Epafura mugheereza munaife era ye tugonza einho, omugheereza wa Kurisito omwesigwa ku lwaife.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

1 Timotheo 3:6

Omulabirizi ateekwa okuba omuntu akakaite mu kwikiriza, alobe kweghanika nakusalirwa musango nga bwe gwasalirwa Sitaani ni gumusinga.

Tito 1:9

Ateekwa okunhweza endhegeresa entuufu nga bw'eyegeresebwa, memale aghange okugumya abantu mu ndhegeresa entuufu era n'okwoleka obukyamu bw'abo abagitakania.