Matayo 13:47 - Baibuli Ekibono kya Katonda 2014

⁴⁷ “Era Obwakyabazinga obw'omu igulu bufaanana ng'akatimba akategebwa mu nhandha kaasoloza buli kika kya kyanhandha.

Matayo 13:47 ပူးပေါင်းရင်းမြစ်များ

Ezekieli 47:10

Abavubi baliba ku mbali okw'omwiga ogwo, okuva mu kiketezo ekyetebwa Engedi okutuukira irala ku kyetebwa Enegulaimu. Balyanikanga okwo obutimba bwaibwe bwakala. Era ebyenhandha biriba eyo bya bika kamaala ng'oti n'ebiri mu Nhandha Eyaghagati.

Matayo 13:44

“Obwakyabazinga obw'omu igulu bufaanana n'eky'obukombe ekyagisibwa mu nimiro. Omuntu bw'akizuula akigisa, ate olw'eisanhu ly'aba nalyo, aja yaatunda ebibye byonabyona yaagula enimiro eyo.

Matayo 13:46

Bwe yazuula eibaale eirala ery'omughendo einho, yaaja yaatunda ebibye byonabyona yaaligula.

Matayo 13:48

Bwe kaidhula baakasika baakatuusa ku bukalu, baatyama, baalondamu ebirungi nga bata mu nsawo, ng'ebibi babisuula ere.

Matayo 4:19

Yaakoba ati: “Munnonereze, ndidha kubafuula abavubi ab'abantu.”

Mariko 1:17

Yesu yaabakoba ati: “Munnonereze ndidha kubafuula abavubi ab'abantu!”

Luka 5:10

Era mu nsambo n'endala Yakobo ni Yoanne abaana ba Zebedaayo baine ba Simoni boona baayasaamirira. Yesu yaakoba Simoni ati: “Otatya, okuva ni mperaano oidha kuba muvubi wa bantu.”

Yoanne 15:2

Kiisi lusaga oluli ku nze olutayama alukutulaku, ate kiisi lusaga olwama aluwoolera lwanhirira male lwayama inho.”

Yoanne 15:6

Oyo atasigala mu nze asuulibwa ere ng'oti n'olusaga bwe lusuulibwa ere ni lukala ensaga ng'oti n'edho dhisolozebwa dhaasuulibwa mu muliro dhaaya.

Ebikolwa by'Abatume 20:30

Era ni mu imwe mulivaamu abantu abalyegeresa eby'obuguya okufuna abeegeresebwa ab'okubanonereza.

1 Ab'e Korintho 11:19

Aye era okwekutulakutulamu kuli n'okubaagho, memale abatuufu mu imwe bamanhike.

2 Ab'e Korintho 11:26

Mu ngendo dhange kamaala nfunie obuzibu obw'emiigo, obw'abanhazi, obuva mu Bayudaaya banange n'obuva mu bamaghanga agandi. Mbaire mu buzibu mu bibuga ni mu malungu, ku nhandha, era n'okuva y'abo abeeyeta aboluganda ate nga tibali.

Ab'e Galatia 2:4

Ghaligho abaakyogeraku nga beefuula okuba abaikiriza, beibirira baatweyimbaku. Kye baayenda n'okubona eidembe lye tuli nalyo mu Kurisito Yesu era n'okutwiza mu bwiru.

Okwolekebwa 3:1

“Ghandiikira malaika w'Ekikunsu eky'Abaikiriza mu Kurisito eky'e Sarudi, oti: oyo ali n'emyoyo omusanvu egya Katonda, n'emuunienie omusanvu, akoba ati: Ndidhi by'okola. Ndidhi ng'omanhiibwa okuba nga oli mulamu, ate ng'oli mufu.