Matayo 13:33 - Baibuli Ekibono kya Katonda 2014

³³ Yaabakobera olufumo olundi ati: “Obwakyabazinga obw'omu igulu bufaanana ng'oti n'ekizimbulukusa, omukazi kye yatoola n'atabika mu biibo ebisatu eby'engaano, okutuusa byonabyona bwe byazimbuluka.”

Matayo 13:33 ပူးပေါင်းရင်းမြစ်များ

Amainhama 18:6

Aburahamu yaayangugha, yaingira mu weema eri Sara, yaamukoba ati: “Tegeka ebigero bisatu eby'engaano enungi, ogikande era ogifumbemu emigaati.”

2 Samueli 13:6

Kale Amunoni yaalambaala, yeefuula okuba omulwaire. Kyabazinga bwe yaja okumubona, Amunoni yaamukoba ati: “Nkusaba, mwanhinaze Tamari aidhe anfumbire yo emigaati ghano ghe ndi, agindeetere ghano mwene mu ngalo dhe, ndye.”

Yobu 17:9

Aye abo abeeyeta abatuufu, beeyongera bwa kwegumya bati batuufu.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Matayo 13:24

Kabiri yaabakobera olufumo olundi ng'akoba ati: “Obwakyabazinga obw'omu igulu bufaanana ng'omuntu eyasiga ensigo enungi mu nimiro ye.

Mariko 13:20

Era nguli Musengwa tiyakendeeza ku nnaku edho, ghazira muntu yandiwonie. Aye ku lw'abalonde, be yalonda, yakendeeza ku nnaku edho.

Luka 13:21

Buli oti n'ekizimbulukusa omukazi kye yatoola n'atabula mu biibo bisatu eby'engaano, byonabyona ni bizimbulukuka.”

Yoanne 15:2

Kiisi lusaga oluli ku nze olutayama alukutulaku, ate kiisi lusaga olwama aluwoolera lwanhirira male lwayama inho.”

Ab'e Galatia 5:9

Aye nga bwe bakoba: “Kaba kazimbulukusa katono kaazimbulukusa ogutole ogw'engaano gwonagwona.”

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

Ab'e Filippi 1:9

Era mbasabira okugonza kwaimwe kuje nga kweyongera, era mube n'amagezi n'okumanha kwonakwona.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

Abalamuzi 6:19

Kale Gideoni yaingira mu ndhu ye, yaita embuzi entototo, yaagifumba. Era yaakanda kilo ng'oti ikumi edh'obuwunga, yaakolamu emigaati egitazimbulukusiibwa. Emamba yaagita mu kiibo, omuunhu gwamu yaagufuka mu kibya, yaabireeta ye malaika wa Musengwa Katonda ali ghansi gh'omuti omukologho, yaabimugha.

1 Samueli 1:24

Omwana bwe yakula n'ava ku mabeere, Hanna yaamutwala ghalala n'ente ey'emyaka esatu, ni kilo ikumi edh'obuwunga obw'engaano, n'ensawo ey'oluwu eidhwire omwenge ogw'emizabbibu. Yaamutwala mu ndhu ya Musengwa Katonda e Shilo, waire ng'era omwana yali akaali muto.