Matayo 13:30 - Baibuli Ekibono kya Katonda 2014

³⁰ Muleke byombi bikulire ghalala okutuuka mu kukesa, era mu kukesa ndikoba abakesi baasooka okwighamu eisubi eibi, baalisiba ghalala mu binhwa baalyokya, ate engaano baagisololeza mu kyagi kyange.’ ”

Matayo 13:30 ပူးပေါင်းရင်းမြစ်များ

2 Samueli 23:7

Aye ole ayenda okugagemaku, akozesa ekyuma ekigumu einho era n'olunhago olw'eifumo, yaagookya n'omuliro gwagamaliragho irala.”

Yobu 39:12

Ogisuubira okukuleetera by'okungwire, yaabibunga mu kifo aghakubirwa emere ey'empeke?”

Isaia 17:5

Isiraeli eriba ng'oti n'enimiro ye bakesiisaamu engaano, era eriba ng'oti n'eisamba ly'omu kiiko ky'e Refa, lye bamaze okukesaamu ni balondereramu ebikeseibwa okubimaliriramu.

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Matayo 13:25

Abantu bwe baali batendwike, omuzigu yaidha yaamansa ensigo edh'eisubi eibi mu ngaano, yeejiira.

Matayo 13:29

Aye yaabakoba ati, ‘Busa, tomanha bwe muba mwigha eisubi ibi ni mwighiramu na ngaano.

Matayo 25:32

Amaghanga goonagoona galyesololeza mu maiso ge, era yaabaawulamu, ng'omwayi bw'ayawula entaama mu mbuzi,

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Luka 3:17

Wuuyo agemye olugali mu ngalo aja kulongoosa bukalamu ekifo kye aghakubirwa engaano, engaano agisololeze mu kyagi, omusinsi agwokye n'omuliro ogutazikira.”

Yoanne 15:6

Oyo atasigala mu nze asuulibwa ere ng'oti n'olusaga bwe lusuulibwa ere ni lukala ensaga ng'oti n'edho dhisolozebwa dhaasuulibwa mu muliro dhaaya.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

1 Timotheo 5:24

Ebibi by'abantu abandi biboneka mangu nga bakaali nakusalirwa musango, aye eby'abandi bizuuka lumaliira.

1 Samueli 25:29

Bwe ghanaabangagho asituka okukuyiigania ng'ayenda okukwita, Musengwa Katonda wo aidha kukukuumanga ng'oti n'omuntu bw'akuuma eky'obukombe eky'omughendo. Aye abazigu bo, Musengwa Katonda aidha kubakonhoogereranga ng'oti n'omuntu bw'akonhoogerera amabaale mu nsuumulo.