Matayo 13:20 - Baibuli Ekibono kya Katonda 2014

²⁰ Ensigo eyagwa ku lubaalebaale, n'oyo awulira ekibono, mangu ago yaakisangaalira n'eisanhu.

Matayo 13:20 ပူးပေါင်းရင်းမြစ်များ

2 Ebyomubyanda 24:14

Bwe baamala omulimo ogwo, empiiya edhaasigalagho baadhigemya kyabazinga ni Yehoiada. Ate abo baadhigulamu ebintu eby'omu isinzizo, ebikozesebwa mu kusinza ni mu kughaayo ebigheebwayo ebyokebwa: ebintu ebiniokezebwaku obubbaani, n'ebintu ebindi ebya zaabu ni feeza. Ekiseera kyonakyona Yehoiada kye yamala ng'akaali mulamu, abantu baaghangayo mu isinzizo ebigheebwayo ebyokebwa, aghazira kwosaamu.

2 Ebyomubyanda 24:2

Yoashi yaakolanga ebituufu Musengwa Katonda by'asiima ekiseera kyonakyona Yehoiada kabona kye yamala nga mulamu.

2 Ebyomubyanda 24:6

Kale kyabazinga yaayeta Yehoiada omukulu waibwe, yaamukoba ati: “Lwaki tiwasalira Balevi kuleetanga musolo okuva mu Buyudaaya ni mu Yerusalemu, ogwasalibwagho Musa omugheereza wa Katonda, era mwene gwe yatoolanga ku Baisiraeli olw'okulabirira Weema ey'Okwagaananirangamu ni Musengwa Katonda?” (

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Matayo 13:19

Yeenayeena awulira ekibono eky'Obwakyabazinga n'atakitegeera, ali ng'oti n'ensigo eyagwa ku ngira omubi aidha yaswankula ekyo ekisigiibwa mu mwoyo gwe.

Matayo 13:21

Aye ng'azira mizi, era asigala atyo akaseera katono. Ebizibu oba okukirigibwa bwe bibaagho olw'ekibono, mangu ago ng'alekayo.

Matayo 7:8

Kuba buli asaba afuna, oyo ayagala azuula, n'oyo akonkona ku lwigi aliigulirwagho.

Mariko 6:20

Herode yali atya Yoanne, ng'amwidhi bw'ali omuntu omutuufu era omutuukirivu n'okumukuumanga obukalamu. Yayagaananga obuzibu mu bye yayogeranga, aye ng'amuwulirisa bukalamu.

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

Ebikolwa by'Abatume 8:13

Ni Simoni mwene yeena yaikiriza era bwe yamala okubatizibwa, yaaba ghalala ni Filipo. Bwe yabona obumanhiso n'ebyewuninkiriza Filipo bye yakola, yeewuunhia inho.