Matayo 13:19 - Baibuli Ekibono kya Katonda 2014

¹⁹ Yeenayeena awulira ekibono eky'Obwakyabazinga n'atakitegeera, ali ng'oti n'ensigo eyagwa ku ngira omubi aidha yaswankula ekyo ekisigiibwa mu mwoyo gwe.

Matayo 13:19 ပူးပေါင်းရင်းမြစ်များ

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 17:16

Kigasa ki omusiru okuba n'empiiya edh'okusasulira amagezi, ng'ate azira kutegeera?

Ezekieli 31:18

“Mu miti gyonagyona egy'omu Edeni, nnaakugeza ku guli gha, mu kitiibwa ni mu bukologho? Aye era weena oliika ghansi ghalala n'emiti egy'omu Edeni, waaba eyo mu nsi ey'abafu ghalala n'abatatya Katonda abo abataali bakekete abaitirwa mu lutalo. “Omuti ogwo ni kyabazinga wa Misiri n'abantu be boonaboona. Nze Musengwa Katonda ninze nkobye.”

Matayo 12:26

Kale ni oba Sitaani abinga Sitaani, mwene aba yeeyawiiremu kale obwakyabazinga bwe bughanga butya okubaagho?

Matayo 13:20

Ensigo eyagwa ku lubaalebaale, n'oyo awulira ekibono, mangu ago yaakisangaalira n'eisanhu.

Matayo 13:38

enimiro n'ensi, ensigo enungi n'abaana ab'Obwakyabazinga, ate eisubi eibi n'abaana ab'omubi.

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Matayo 5:37

Endhogera yaimwe ebenga eti, ‘Yii,’ oba eti, ‘Busa!’ Kuba ekisinga ku ebyo nga kiviire mu mubi.

Mariko 4:15

Agho ni, abali ku ngira okusigibwa ekibono n'abo oluwulira ekibono, mangu ago Sitaani ng'aidha aswankula ekibasigiibwamu.

Luka 10:9

Muwonie abalwaire abali mu kibuga omwo, mubakobere muti obwakyabazinga bwa Katonda buseese.

Luka 9:2

Yaabatuma okulangirira Obwakyabazinga bwa Katonda n'okuwonia abalwaire.

Yoanne 18:38

Pilato yaamukoba ati: “Amazima ni ki?” Pilato bwe yamala okwogera ebyo yaaja ku luya y'Abayudaaya kabiri yaabakoba ati: “Omuntu ono tibona musango gw'aiziiza.

Yoanne 8:43

Lwaki timutegeera bye mbakoba? Lwa kuba timughanga kuwulirisa kibono kyange.

Ebikolwa by'Abatume 17:32

Bwe baawulira Paulo ng'ayogera ku kuzuukira abandi baamusekerera aye abandi baakoba bati: “Olitukoberaku kino kabiri olundi.”

Ebikolwa by'Abatume 18:15

Aye ng'okutakana kwaimwe bwe kuli ku bibono, ni ku maina, ni ku mateeka gaimwe, ebyo imwe mubikoleku. Tiidha kuba mulamuzi mu bintu oti n'ebyo.”

Ebikolwa by'Abatume 20:25

Mperaano nze ndidhi nga imwe mwenamwena be nabitangamu nga mbakobera Obwakyabazinga bwa Katonda, timukairayo kumbona.

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

Ab'e Roma 2:8

Aye abo ab'entaka era abatenda mazima era abakola ebibi, Katonda alibasungughalira, yaabakambughalira.

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

2 Ab'e Thessalonika 2:12

Ekirivaamu n'abo boonaboona abaaloba okwikiriza amazima ni basangaalira ekibi, okusalirwa omusango okubasinga.

Abaheburayi 2:1

Agho ni tuteekwa okukalangula ebyo bye twawulira, tulobe kuwunguka kubivaaku.

1 Yoanne 3:12

Tulobe kuba oti ni Kaini eyali owa Sitaani n'atemula muganda we. Ye lwaki yamutemula? Lwa kuba mwene bye yakolanga byalinga bibi ate nga ebya muganda we byali bituufu.

1 Yoanne 5:18

Twidhi ng'oyo yeenayeena azaalibwa Katonda takola kibi, kuba oyo Omwana wa Katonda amukuuma, omubi yaaloba kumutuukaku.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.