Matayo 12:44 - Baibuli Ekibono kya Katonda 2014

⁴⁴ Agho nga gukoba guti, ‘Ka ndhireyo mu ndhu yange mwe nava.’ Era bwe gwira gujaagaana nga ndhereere, ndheye era nga etegekeibwa bukalamu.

Matayo 12:44 ပူးပေါင်းရင်းမြစ်များ

Hosea 7:6

Bookya ng'oti muliro mu ziiko, nga benda okukola akabi. Obusungu bwaibwe bunioka obwire bwonabwona, ku nkyo bwatumbuka ng'oti muliro.

Matayo 12:29

“Ole aghanga atya okungira mu ndhu y'omuntu ow'amaani n'anhaga ebibye okutoolaku ng'asoose kusiba muntu oyo ow'amaani? Memale olwo ni yaanhaga eby'omu ndhu ye!

Matayo 12:43

“Omuzimu omubi bwe guva mu muntu, guja nga gubita mu bifo ebikalukalu nga gwagala agh'okuba, gwaloba kuzuulagho.

Matayo 12:45

Agho ni nga guja guleeta giinaagwo egigusinga n'obubi, nga gingira nga giba omwo era olumaliira obulamu obw'omuntu oyo buba bubi okusinga obwasooka. Kityo bwe kiriba ku bantu ab'oluse luno aboonooni.”

Luka 11:25

Bwe gwira gujaagaana nga ndheye era ng'etegekeibwa bukalamu.

Yoanne 12:6

Aye yakoba atyo, ti kuba nga yali afaayo inho ku baavu, aye lwa kuba yali mwibi. Ate era ng'omukuumi w'endyanga, yatwalanga empiiya edhaateebwangamu.

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

Yoanne 13:27

Yuda bwe yamala ati okufuna ekitole ekyo, Sitaani yamungiramu. Yesu yaamukoba ati: “Ky'oja okukola kikole mangu!”

1 Ab'e Korintho 11:19

Aye era okwekutulakutulamu kuli n'okubaagho, memale abatuufu mu imwe bamanhike.

Ab'Efeso 2:2

bye mwalimu nga mujiira ku bantu b'ensi nga bwe bakola, nga mufugibwa omukulu ow'emizimu egy'omu ibbanga, buti egikolera mu abo abatawulira Katonda.

1 Yoanne 2:19

Abantu abo baava mu ife, aye tibaali baife, kuba nguli baali baife bandibaire nga bakaali n'ife. Aye baatuvaamu, kimanhikanire irala nga boonaboona ti baife.

1 Yoanne 4:4

Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.