Matayo 12:31 - Baibuli Ekibono kya Katonda 2014

³¹ Kale ni ka mbakobere: Abantu balisoniyibwa buli kibi ni mu nsambo yoonayoona evuma Katonda aye alivuma Mwoyo Mutukuvu talisoniyibwa.

Matayo 12:31 ပူးပေါင်းရင်းမြစ်များ

Isaia 1:18

Musengwa Katonda akoba ati: “Kale ni mwidhe twogere ku bintu ebyo twisanie. Ebibi byaimwe ni bwe biba nga byabamyusa bwe myu myu myu, ndidha kubanaaza mutukule ng'oti mugozi; era ebibi ebyo ni bwe biba nga byabafuula ba kasaayisaayi omugemu, ndidha kubaamula mube beeru ng'oti n'enhonhi dhe beeta enhange.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Ezekieli 33:11

Bakobe oti nze Musengwa Katonda nga bwendi omulamu, tinhumirwa kubona mwonooni ng'afiire. Aye nhenda akyuke aleke ebibi bye, abe mulamu. Imwe abantu b'eighanga Isiraeli, mukyuke. Mukyuke muve mu mpisa dhaimwe embi. Lwaki mwenda okufa?

Abalevi 24:16

Omuisiraeli yeenayeena oba omusenze anaavumanga eriina lya Musengwa Katonda, abantu boonaboona bamukubanga amabaale yaafa.

Luka 12:10

Era yeenayeena ayogera ekibono ekibi ku Mwana w'Omuntu, alisoniyibwa, aye oyo avuma Mwoyo Mutukuvu talisoniyibwa.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Abaheburayi 10:26

Bwe twonoona nga tugendereire ng'ate tumaze okukoberwa amazima, ghaba nga tighakaaligho musengo gwa kugheebwayo olw'ebibi.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 6:4

kuba tikisoboka kwikirizisa bantu kweiraku abaali bamulisiibwaku obutangaavu bwa Katonda ni babuvaamu, era abaali bafunieku ku kirabo eky'omu igulu ni bagabana ni ku Mwoyo Mutukuvu.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.