Matayo 12:28 - Baibuli Ekibono kya Katonda 2014

²⁸ Aye, oba nga emizimu emibi ngibinga na buyinza bwa Mwoyo wa Katonda, Obwakyabazinga bwa Katonda butuuse mu imwe.

Matayo 12:28 ပူးပေါင်းရင်းမြစ်များ

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Matayo 12:18

“Ono n'omugheereza wange ye nalonda omugonzi, omwoyo gwange mwe gusagambira. Ndidha kumutaamu Mwoyo wange, akobere amaghanga eby'amazima.

Matayo 12:29

“Ole aghanga atya okungira mu ndhu y'omuntu ow'amaani n'anhaga ebibye okutoolaku ng'asoose kusiba muntu oyo ow'amaani? Memale olwo ni yaanhaga eby'omu ndhu ye!

Matayo 21:31

Ku babiri abo naani eyakola lata we kye yayenda?” Baakoba bati: “N'eyasooka.” Agho ni, Yesu yaabakoba ati: “Bwenebwene ka mbakobere: abaghooza b'omusolo ni bamalaaya balibasooka mu Bwakyabazinga bwa Katonda

Matayo 21:43

“Kale ni ka mbakobere: Obwakyabazinga bwa Katonda bulibatoolebwaku bwagheebwa eighanga eryama ebibala byabwo. [

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Mariko 1:15

Era ng'akoba ati: “Obwire butuuse, Obwakyabazinga bwa Katonda buseese, mwenenie era mwikirize Amawulire Amalungi.”

Mariko 11:10

Bwa nkabi obwakyabazinga bwa iseife Daudi obuli kwira! Hosanna! Ghaigulu irala.”

Mariko 16:17

“Abaikiriza baliba n'obumanhiso buno: mu liina lyange balibinga emizimu, balyogera mu nnimi dhe batayegangaku,

Luka 10:11

‘N'enkungu ey'omu kibuga kyaimwe etugemye ku bigere byaife tugibakunkumuliire aye mumanhe kino muti, Obwakyabazinga bwa Katonda buseese.’

Luka 11:20

Aye oba nga emizimu emibi ngibinga na bukumu bwa Katonda, agho ni Obwakyabazinga bwa Katonda butuuse mu imwe.

Luka 16:16

“Amateeka n'abalanzi byaligho okutuuka ku Yoanne okuva n'olwo Obwakyabazinga bwa Katonda bwayegeresebwa nga n'Amawulire Amalungi, era buli muntu agezaaku okubungiramu n'amaani.

Luka 9:2

Yaabatuma okulangirira Obwakyabazinga bwa Katonda n'okuwonia abalwaire.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

Ab'e Kolosai 1:13

Yatutoola mu bufuge obw'ekizikiiza yaatwiza mu Bwakyabazinga obw'Omwana we omugonzi.

Abaheburayi 12:28

Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.