Matayo 12:25 - Baibuli Ekibono kya Katonda 2014

²⁵ Yesu bwe yamanha bye balowooza yaabakoba ati: “Obwakyabazinga bwonabwona omuzira kwisania buzikirira era n'ekibuga oba amaka omuzira kwisania, tibisobola kubaagho.

Matayo 12:25 ပူးပေါင်းရင်းမြစ်များ

1 Bakyabazinga 16:21

Agho Abaisiraeli beesalamu ebitundu bibiri: abandi nga benda Tibuni mutabane wa Ginathi ye babe bafuule kyabazinga, ate abandi nga benda Omuri.

Zabbuli 139:2

Oidhi bye nkola byonabyona; otegeera bye ndowooza waire ng'oli ghala.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Matayo 9:4

Aye Yesu yategeera ebidhuubo byaibwe, yaakoba ati: “Lwaki muba n'ebidhuubo ebibi bityo?

Mariko 2:8

Mangu ago nga Yesu mule munda amaze okutegeera bye balowooza, yaabakoba ati: “Lwaki mulowooza mutyo mu myoyo gyaimwe?

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

1 Ab'e Korintho 2:11

Kuba naani aidhi ebidhuubo by'omuntu okutoolaku omwoyo gwe gwene ogumulimu? Kale ni ghazira aidhi bidhuubo bya Katonda okutoolaku Mwoyo wa Katonda.

Ab'e Galatia 5:15

Aye bwe munaira agho okumoodhagana n'okudaazadaaza banaimwe mugwaine mwekuume, kuba musobola okwezikiriza beene na beene.

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.