Matayo 11:5 - Baibuli Ekibono kya Katonda 2014

⁵ Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 11:5 ပူးပေါင်းရင်းမြစ်များ

2 Bakyabazinga 5:14

Agho Naamani yaaserengeta, yaaja yeinhika mu mwiga Yorudani emikuzi musanvu, ng'Elisha omuntu wa Katonda bwe yamukoba. Era omubiri gwe gwaira buto ng'oti gwa mwana muto, yaaba mulongoofu.

2 Bakyabazinga 5:7

Kyabazinga wa Isiraeli bwe yasoma embaluwa eyo, yaakanulamu ebivaalo bye olw'okusoberwa. Yaakoba ati: “Obwo nze ndi Katonda, ali n'obuyinza okwita n'okugha obulamu? Omusaadha ono aghanga atya okunsindikira omuntu mmuwonie endwaire ye ey'ebigenge? Bwenebwene ali bwa kuneesonsaaku bwesonse afune bw'anaatoolereza okusoola ninze!”

Zabbuli 146:8

era yaazibula amaiso g'abatulu. Abo abawoiremu eisuubi abaizaamu amaani era agonza abakola by'asiima.

Zabbuli 22:26

Abaavu balirya baiguta; abo abanoonia Musengwa Katonda balimusaaka! Mbendeza mubenga bwera ebyanda n'ebyanda!

Okuvaayo 4:11

Agho Musengwa Katonda yaamubuuza ati: “Naani eyata ku muntu omunwa? Era naani asobola okumufuula kasiru oba omusigha oba abona, oba omutulu? Ti ninze, nze Musengwa Katonda?

Isaia 29:18

Ku lunaku olwo, abaasemba amatu baliwulira ng'ekitabo kiri kusomwa, n'amaiso g'abatulu ababaire mu nzikiiza etiisa einho, galimoga gaabona.

Isaia 29:19

Abawombeefu baliiramu kabiri okusagambiranga mu Musengwa Katonda, n'abaavu beesiimiranga mu Katonda oyo Omutukuvu wa Isiraeli.

Isaia 43:8

Katonda akoba ati: “Muleete abantu bange bawozesebwe abatulu abo ate nga bali n'amaiso, era abasigha ate nga bali n'amatu.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Zekaria 11:7

Kale naafuuka mwayi wa ntaama edh'okwitibwa, nga ndhayira abo abaadhisuubulanga. Era naatoola emiigo ebiri, naagigema mu ngalo: ogundi naagutuuma eriina “Nkabi” ate ogundi naagutuuma eriina “Kweyimba”. Agho naasigala nga ndi kulabirira entaama edho.

Matayo 10:8

Abalwaire mubawonianga, abafu mubazuukizanga, abali n'endwaire ey'ebigenge mubalongoosanga, emizimu emibi mugibinganga. Mwafuna kya busa mwena mukigheerenga busa.

Matayo 11:4

Yesu yaabakoba ati: “Muje mukobere Yoanne bye muwulire ni bye muboine.

Matayo 12:13

Agho yaakoba omusaadha ati: “Funhulula omukono gwo.” Yaagufunhulula era gwairagho okuba omulamu nga gule ogundi.

Matayo 21:14

Abatulu n'abalema baaja ghe yali mu isinzizo, era yaabawonia.

Matayo 5:3

“Ba nkabi abaavu mu mwoyo, kuba Obwakyabazinga obw'omu igulu bwaibwe.

Matayo 9:30

Agho amaiso gaibwe gaazibuka. Yesu yaabasikirira ati: “Mubone nga tighaba akimanha.”

Mariko 7:37

Era beewuunhia inho baakoba bati: “Byonabyona abikola bukalamu. Abasigha abazibula amatu, ni bakasiru aboogeza!”

Mariko 9:25

Yesu olwabona ng'eikuukuubira ery'abantu lyesoloza yaakaabukira omuzimu omubi, yaagukoba ati: “Muzimu iwe kasiru era masighale, nze nkulagira ono muveeku, era toirangayo kumwidhaku.”

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Yoanne 10:25

Yesu yaabairamu ati: “Bye nkola mu liina lya Lata wange bikakasa ekyo. Nabakobera aye timwaikiriza.

Yoanne 10:38

Aye oba nga n'ebyo, ni bwemutandhikiriza nze kasinga mwikirize bye nkola, memale mumanhe era mutegeere nga Lata ali mu nze era zeena ndi mu Lata.”

Yoanne 2:23

Yesu bwe yali mu Yerusalemu, mu nnaku edh'Ekibinuko eky'Okubitizibwa abantu kamaala baamwikiriza bwe baabona ebyewuunhio bye yakolanga.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 5:36

“Aye nze ndi n'obudhulizi obusinga n'obwa Yoanne bw'agha kuba ebintu bye nkola, Lata n'eyabimpa okubikola era bindhulira nga Lata n'eyantuma.

Yoanne 9:7

Yaamukoba ati: “Ja onaabe mu maiso mu kidiba ky'e Siloamu.” (Eriina eryo litegeeza, “atumiibwa?”) Kale yaaja, yaanaaba, yaira ng'abona.

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.