Matayo 11:28 - Baibuli Ekibono kya Katonda 2014

²⁸ “Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Matayo 11:28 ပူးပေါင်းရင်းမြစ်များ

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Yobu 5:7

Aye abantu beene n'abaazaalirwa okuba n'ebizibu, ng'oti n'obusambuka bw'omuliro bwe busambukira ghaigulu nga buva ku muliro.”

Zabbuli 116:7

Olwo naalekera okweraliikirira, kuba Musengwa Katonda yankolera bukalamu.

Zabbuli 32:4

Wambonerezanga omusana n'obwire, amaani gampweramu irala ng'oti n'ebisimbe bwe bikala okw'endoboozi.

Zabbuli 38:4

Ebibi byange byebunze emungo ensinga n'obuleeyi, era bizitogha inho tisobola na kubibbeeda.

Zabbuli 94:13

Iwe omugha okuwuumulaku ebizibu, okutuusa lw'obonereza ababi.

Omulangirizi 1:14

Nalingirira ebintu byonabyona ebikolebwa ku nsi, naabona nga byonabyona biziramu muganhulo, nga kuli ng'oti kubinga mpewo ogigeme.

Omulangirizi 1:8

Ebintu byonabyona bikooya, byaleetera omuntu okwesinwa ebitaloodheka. Amaiso tigalingirira ni gaiguta bye gabona, waire amatu okuwulira ni gaiguta bye gawulira.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 28:12

Yabakoba okughanga akaseera abo abakooye, bawuumulengaku baghegheere, aye baaloba okuwulira.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Yeremia 31:25

Ndiizaamu amaani abo abakooye, era naigusa emere abo boonaboona abaanafugha olw'endhala.

Yeremia 35:16

Baidhukulu ba Yonadabu mutabane wa Rekabu baagondera ekiragiro dhaadha waibwe kye yabagha, aye abantu imwe mwadheema okukola bye mbalagira.

Yeremia 6:16

Musengwa Katonda yaakoba abantu be ati: “Mwemerere mu maagaanana g'engira, mulinge eno n'ere, mubuuze babooleke aghali obugira obw'eira, n'aghali engira enungi. Mutambulire omwo, olwo mufune emiraala.” Aye beene baakoba bati: “Busa, titwidha kutambulira omwo.”

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Matayo 23:4

Basiba emigugu emizito, egiteetwikika baagitwika abantu, ate nga beene tibenda na kugigemaku.

Yoanne 6:37

Buli muntu Lata y'ampa, aliidha ye ndi ate buli aidha ye ndi tija kumubingira ku luya.

Yoanne 7:37

Ku lunaku lw'ekibinuko olusembayo era olusinga bukologho, Yesu yaayemerera yaayogerera ghaigulu ati: “Kiisi ali endiwo aidhe ye nze anhwe.

Ebikolwa by'Abatume 15:10

Kale mperaano, lwaki muleba Katonda nga mutwika abaikiriza emigugu badhaadha baife, waire ife, gye tutaghanga kwetwika?

Ebikolwa by'Abatume 20:35

Nabooleka mu ebyo byonabyona bye nakola nti tuteekwa okufaabiikana okuyamba abanafu nga twidhukira ebibono bya Musengwa Yesu eyakoba ati, ‘Okugaba kwesiimisa okusinga okugheebwa.’ ”

Ab'e Galatia 5:1

Okutuuka ku kwetaaya kuno, Kurisito n'eyatuteekuza okuva mu bwiru. Kale ni mwekalangule mulobe kweiza kabiri mu bwiru obwo.

2 Ab'e Thessalonika 1:7

era ife ghalala n'imwe abadaagadaaga alitugha okwesiima. Kino alikikola, Yesu lw'aliva mu igulu ni yeeyoleka ni bamalaika be abakola eby'amaani.

Abaheburayi 4:1

Kale ni ng'ekisuubizo eky'okutuuka aghali okuwuumula bwe kikaaligho, tufengayo okubona nga tighabaagho muntu yeenayeena ku imwe alemwa kutuukagho.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.