Matayo 11:23 - Baibuli Ekibono kya Katonda 2014

²³ Ate imwe abantu be Kaperinaumu, koodhi mwegulumiza kwenda kutuuka bwa mu igulu? Mwidha kwisibwa bwa mu magombe kuba nguli ebyewuunhio ebyabaagho mu imwe byali kubaagho mu Sodoma, nguli kikaaligho n'okutuusa olwaleero.

Matayo 11:23 ပူးပေါင်းရင်းမြစ်များ

Amainhama 13:13

Abantu ba Sodoma baali babi, era nga boonooni inho ye Musengwa Katonda.

Okulira 2:1

Ha, Musengwa asungughaire era yeesoomeire okubonereza ekibuga Sioni! Ebintu byamu abantu bye baatwalanga okuba eby'omughendo, abiswire ghansi ng'oti bikaba. Waire ng'ekibuga ekyo n'ekibaire ekityamo eky'obwakyabazinga bwe, Musengwa oyo akirekuliire agho olw'okuba asungughaire.

Ezekieli 26:20

Ndikusindika waaja ghansi, waaba eyo n'abafu ab'eira abaika e magombe. Ndikuta ghansi eyo waaba mutyamye w'eyo mu nsi ey'abafu, ghalala n'abo abaika eyo mu lwina, mu bifulukwafulukwa eby'ebyanda ebyabita. Olwo ghabulegho omuntu asenga mu iwe kabiri, waire iwe mwene okwirayo okubalirwa mu nsi ya balamu.

Ezekieli 31:14

Ekyo kiriba kityo, olwo ghalobe kubaagho muti gwonagwona guleegherera nga guli n'obusanso bw'ensaga dhaagwo obutuuka ni mu bire, waire nga guliba aghali maadhi. Era ghalobe kubaagho muti ogulinhwa amaadhi ni gutuuka ku buleeyi bwa gule, kuba emiti gyonagyona giteekwa kufa ng'abantu obuntu bwe bafa. Era giteekwa okuja mu nsi ey'abafu ghalala n'abo abaika eyo ghansi mu lwina.”

Ezekieli 32:18

“Iwe omuntu, wowoola amaziga olw'abantu kamaala ab'e Misiri, era obasindike mu nsi ey'abafu babe ghalala n'ab'ensi edhindi edh'amaani abaamala eira okwika eyo mu lwina.

Ezekieli 32:24

“Ensi Elamu eri eyo, n'abaisirukale baayo boonaboona bali eyo mu magombe gaibwe okugyezunguluza. Boonaboona baitirwa mu lutalo, baika ghansi mu nsi ey'abafu nga ti bakekete. Buti bali eyo mu kuswala kwaibwe ghalala n'abo abaika eyo ghansi mu lwina. Ate nga bwe baali bakaali balamu baaleeteranga abantu okutya einho mu nsi.

Obadia 1:4

Aye waire ojiira ghaigulu inho ng'enkookooma, era waazimba ekisu eyo ghaigulu mu muunienie, ndidha kukughanulayo.

Matayo 10:15

Bwenebwene ka mbakobere ku lunaku olw'okusalirwaku omusango, Sodoma ni Gomorra birisaasirwa okusinga ekibuga ekyo.

Matayo 16:18

Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Matayo 17:24

Agho baatuuka e Kaperinaumu. Abasoloza empooza ey'eisinzizo baaseeta ghe Petero baakoba bati: “Omwegeresa waimwe tagha mpooza ya isinzizo?”

Matayo 4:13

Yaava e Nazarethi, yaaja yaaba e Kaperinaumu eky'oku nhandha, mu biketezo eby'e Zebuluni ni Nafutali

Matayo 8:5

Yesu bwe yangira mu Kaperinaumu, Omukulu ow'ekikunsu eky'abaisirukale yaidha yaamweghemba,

Luka 10:15

“Ate iwe Kaperinaumu olisitulibwa okutuuka mu igulu? Busa, oliisibwa mu magombe waazikirira!

Luka 14:11

Kuba buli eyeetwala ati wa ghaigulu aja kwisibwa, ate buli eyeisa aja kutwalibwa nga wa ghaigulu.”

Luka 16:23

Omukombe ng'ali e magombe mu bulumi obungi einho, yaagangamula ku maiso, yaalengera Aburahamu ni Lazaro nga bali ghalala.

Luka 4:23

Yesu yaabakoba ati: “Nkakasa nga mwidha kunkoba ng'olugero luno bwe lukoba luti, ‘Omuyigha, weeyighe mwene,’ era muti, ‘Ebyo bye twawuliranga bye wakolera e Kaperinaumu, bikolereku ni ghano ku kyalo eky'ewaimwe woona.’ ”

Ebikolwa by'Abatume 2:27

kuba oyo talireka mwoyo gwange mu kuzikirira, waire okuleka omutuukirivu we okuvundira mu magombe.

Ebikolwa by'Abatume 2:31

Kye yalengera naayogeraku, kwali kuzuukira kwa Kurisito, kuba tiyalekebwa mu magombe waire omubiri gwe okuvunda.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 11:8

Emirambo gyaibwe girisigala mu ngira dh'ekibuga ekinene, Musengwa waibwe mwe yakomererwa ku musalaba. Eriina ery'ekibuga ekyo ery'okugereesa ni Sodoma oba Misiri.

Okwolekebwa 20:13

Enhandha yaaghaayo abafu abaagirimu. Okufa n'Amagombe byona byaghaayo abafu be byali nabo. Boonaboona baabasalira omusango ng'ebikolwa byaibwe bwe byali.

Okwolekebwa 6:8

Naja okulinga nti, nga mbona embalaasi empaaluufu. Eyali ali kugivuga ng'ayetebwa Kufa, era Magombe ng'ali kumunonereza. Bano baagheebwa obukumu ku kitundu kirala kirala ku buli bitundu ebina ebiri ku nsi, beeyambise empiima, n'endhala, n'endwaire ya kawumpuli, n'ensolo edh'oku nsi, mu kwita.