Matayo 11:21 - Baibuli Ekibono kya Katonda 2014

²¹ Yaakoba ati: “Abantu ab'e Korazini, mukagwireku! N'abe Bethisaida, mukagwireku! Kuba ebyewuunhio ebikolerwa mu imwe nguli byali bikoleirwa mu Tiro ni Sidoni, nguli beenenia, baavaala ekutiya, beebbaaka n'eivu.

Matayo 11:21 ပူးပေါင်းရင်းမြစ်များ

Yobu 42:6

Kale ni neemenhie era neenenia naatyama mu nkungu ni mu ivu.”

Yeremia 13:27

Musengwa Katonda oyo ababona nga mukola ebintu ebyenhinhalwa. Era yaababona nga muja eri bakatonda ab'amaghanga agandi ku nsozi ni mu nsiko. Mwaba ng'oti n'omuntu omwenzi, oba ng'oti n'embalaasi enume bw'emoolera okuniina enkazi. Imwe abantu ab'e Yerusalemu mukagwireku! Mulibaaku li abalongoofu?

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Amosi 1:9

Musengwa Katonda akoba ati: “Abantu ab'e Tiro bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba mu bunhage mu nsi Edomu, baaloba kukuuma ndagaano ye baakola.

Matayo 11:22

Aye ka mbakobere: Ku lunaku olw'okusalirwaku omusango, Tiro ni Sidoni birisaasirwa okusinga imwe.

Matayo 15:21

Yesu olwava agho yaaja mu biketezo eby'e Tiro ni Sidoni.

Matayo 18:7

Ensi ekagwireku olw'ebisendasenda abantu okwonoona! Kituufu ebisendasenda okwona tibiroba kubaagho, aye oyo abireeta akagwireku!

Matayo 26:24

Kale Omwana w'Omuntu aja kufa nga bwe kyamughandiikibwaku, aye akagwireku oyo anaaghaayo Omwana w'Omuntu! Omuntu oyo kyandimubeereire kikalamu nguli tiyazaalibwa.”

Mariko 3:8

Era n'abaava mu Yerusalemu, ni mu biketezo bya Idumea abaasomoka Yorudani, n'abaava mu biketezo eby'e Tiro n'e Sidoni, boonaboona bwe baawulira bye yali akola, abantu kamaala beesomba okuja y'ali.

Mariko 6:45

Tibwalwa, Yesu yaalagira Abeegeresebwa be baniine eryato basomoke enhandha, beesookengayo e Bethisaida, mwene ng'asiibula abantu.

Mariko 7:24

Olwava agho yaasituka yaaja mu biketezo eby'e Tiro ni Sidoni, yangira mu ndhu nga tayenda ghabeegho amanha, aye tiyasobola kwegisa.

Mariko 7:31

Agho kabiri yaava mu kiketezo ky'e Tiro, yaabita mu Sidoni okuja ku nhandha ey'e Galilaaya, ng'abitira irala mu kiketezo eky'e Dekapoli.

Mariko 8:22

Agho baatuuka e Bethisaida, ghaabaagho abaaleetera Yesu omutulu era baamweghemba amugemeku.

Luka 4:26

Aye Eliya tiyatumwa eri waire omulala ati ku abo, okutoolaku ew'omukazi namwandu ow'omu Zarefathi eky'omu Sidoni.

Luka 6:17

Agho yaikirira nabo, yaayemerera ku museetwe ghalala n'eikuukuubira ery'Abeegeresebwa be, n'olukunkumuli olw'abantu abaava mu Buyudaaya bwonabwona, ni mu Yerusalemu, ni mu biketezo eby'oku nhandha ebiriinaine Tiro ni Sidoni,

Luka 9:10

Abatume bwe baira baalomboodhera Yesu bye baakola. Yaabagemaku yaaja nabo bonka mu kibuga ekyetebwa Bethisaida.

Yoanne 1:44

Filipo yali ava mu Bethisaida, ekibuga Anderea ni Petero mwe baali baba.

Yoanne 12:21

Kale abo baaja ye Filipo ow'e Bethisaida mu Galilaaya baamukoba bati: “Isebo, twenda kubona Yesu.”

Ebikolwa by'Abatume 12:20

Agho Herode yaanhiigira abantu ab'e Tiro ni Sidoni. Aye beene baisa kirala baje bamubone. Nga bamaze okwikirizisa Bulasito eyakuumanga ekisaagaati kye, baasaba ghabeegho okwisania, kuba ensi ya Herode n'eyasakiranga eyaibwe.

Ebikolwa by'Abatume 27:3

Ku lunaku olwairirira twatuuka e Sidoni. Yulio yaabisa bukalamu Paulo, yaamuganha okuja ye bakagwa be okumulabirira.

Yuda 1:11

Bakagwireku! Kuba bagema engira nga Kaini ye yagema. Olw'okugonza einho empiiya bagwa mu nsobi ya Balaamu. Era nga Kora bwe yakola, boona badheemera ababafuga, era baazikirizibwa nga bwe yazikirizibwa

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

Okwolekebwa 6:12

Entaama Ento bwe yakakampula akamanhiso akomukaaga, naja okulinga nti nga mbona musisi ow'amaani, n'endhuba ng'eirugala ng'oti kisiriiza, n'omwezi gwonagwona nga gumyuka ng'oti musaayi.