Matayo 11:11 - Baibuli Ekibono kya Katonda 2014

¹¹ Bwenebwene ka mbakobere, mu baali bazaaliibwa abakazi timubangamu asinga Yoanne Omubatiza, ate ng'asembayo mu Bwakyabazinga obw'omu igulu amusinga.

Matayo 11:11 ပူးပေါင်းရင်းမြစ်များ

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 15:14

Omuntu obuntu asobola okuba omulongoofu? Omuntu eyazaalibwa obuzaalibwe, Katonda aghanga okumubala ati mutuufu?

Yobu 25:4

Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Matayo 11:10

kuba n'oyo eyaghandiikibwaku ati, ‘Bona, ndi kutuma omukwenda wange akukulembereremu, aidha kukutegekera engira yo mw'olibita.’

Matayo 11:12

Okuva mu byanda bya Yoanne okutuusa buti, Obwakyabazinga obw'omu igulu butwalibwa na maani, era abakozesa amaani n'ababutwala

Matayo 3:1

Mu nnaku edho, Yoanne Omubatiza yaatuuka era yaayegeresa mu irungu ery'e Buyudaaya,

Matayo 3:11

“Bwenebwene nze mbabatiza na maadhi okulaga okwenenia kwaimwe, aye anvaaku einhuma n'asinga nze obukumu, oyo ye ntagwanira na kuba mu kifo kye alibatiza mu Mwoyo Mutukuvu ni mu muliro.

Matayo 5:19

Kale oyo yeenayeena alimenha ekirala ku biragiro bino ebitonioli, era n'ayegeresa atyo abantu, alyetebwa asembayo mu Bwakyabazinga obw'omu igulu aye oyo abigema era n'abyegeresa, alyetebwa wa kitiisa mu Bwakyabazinga obw'omu igulu.

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Luka 7:28

Ka mbakobere ezira muntu yeenayeena azaalibwa mukazi asinga Yoanne aye asembayo mu Bwakyabazinga bwa Katonda amusinga.”

Luka 9:48

era yaabakoba ati: “Buli asangaalira omwana ono mu liina lyange aba asangaaliire nze; asangaalira nze aba asangaaliire oyo eyantuma; kuba asembayo mu imwe mwenamwena, oyo n'omubbede.”

Yoanne 1:15

Ono Yoanne y'ayogeraku, bw'alanga ati: “Ono ni ye nabakoberangaku bwe nabakoba nti, ‘Anandhiririra ansingira irala obuyinza kuba yabaagho nga nze nkaali na kuzaalibwa.’”]

Yoanne 1:27

anandhiririra era tisaanira naire okusibulula obukoba obw'engaito dhe.”

Yoanne 10:41

Abantu kamaala baidha y'ali era baakoba bati: “Yoanne tiyakola kyewuunhio kyonakyona aye byonabyona bye yakoba ku musaadha ono byali bituufu.”

Yoanne 3:30

Oyo ali n'okweyongera okuja ghaigulu nze ndhike ghansi.”

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.

1 Ab'e Korintho 15:9

kuba mu Batume boonaboona ninze asembayo atagwaine na kwetebwa mutume, olw'okukiriga Ekikunsu eky'Abaikiriza mu Kurisito ekya Katonda.

1 Ab'e Korintho 6:4

Lwaki bwe muba n'emisango oti ni gino mugitwalira abantu abanhoomebwa Ekikunsu ky'Abaikiriza mu Kurisito okugisala?

Ab'Efeso 2:3

N'ife twenatwena twebisanga oti n'abo, mu kwegomba okw'omubiri nga tujiira ku kwenda okw'omubiri n'omwoyo, era okufaanana abantu boonaboona nga tuteekwa okubonerezebwa Katonda.

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

2 Timotheo 1:10

Era buti twakibonera mu kwidha kw'Omulokozi waife Kurisito Yesu eyatoolagho okufa, n'atwoleka obulamu obutawaagho obubita mu Mawulire Amalungi.

Abaheburayi 11:40

Kuba Katonda yatutegekera ekisinga obukalamu, abo balobe kufuulibwa batuukiriire okutuusa nga twena tubeeyimbyeku.

1 Petero 1:10

Abalanzi abalanga ekisa kino Katonda kye yali ow'okubagemerwa, beefumintiriza era baanoonereza ebigema ku kulokolwa kuno.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.